खान्देशात मुस्लिम बांधवांकडून बकरी ईद उत्साहात
म. टा. प्रतिनिधी, जळगाव
देशात शांतता आणि सलोखा नांदो तसेच देश महासत्ता व्हावा यासाठी जिल्ह्यात मुस्लिमबांधवांनी शनिवारी (दि. २) बकरी ईदची सामुदायिक नमाजपठण केली. ‘त्याग’ अर्थात कुर्बानीचे महत्त्व विशद करणारी बकरी ईद जळगाव शहरात एकमेकांना शुभेच्छा देत मुस्लिम बांधवांनी मोठ्या उत्साहात साजरी केली.
जळगाव शहरात सकाळी साडेआठ वाजता ईदगाह मैदानावर सामुदायिक नमाजपठण झाले. सुप्रीम कॉलनीतील सुन्न ईदगाह ट्रस्टच्या मैदानावर सकाळी साडेआठ वाजता नमाजपठण करण्यात आले. मौलाना जाकीर रजा यांच्या नेतृत्वात ही नमाज अदा करण्यात आली. तरीका-ऐ-नमाज बाबत मौलाना नजमुल हक यांनी माहिती दिली. तर मौलाना अब्दुल रहीम यांनी सलानो सलाम म्हटले. तर सुन्नी ईदगाह मैदानावर सुन्नी ईदगाह ट्रस्टचे अध्यक्ष नियाज अली यांनी, प्रास्ताविक करत शांततेसाठी आवाहन केले.
इदगाव मैदानावर नमाज अदा
बकरी ईदनिमित्त मुस्लिम बांधवांनी एकमेकांना शुभेच्छा देत भाईचारा कायम केला. जुन्या ईदगाह मैदानावर मौलाना उस्मान काझी यांनी मुस्लिम बांधवांना धार्मिक संदेश दिला. तसेच बकरी ईदचे महत्त्व सांगितले. नमाज पठणानंतर मुस्लिम बांधवांनी गळाभेट व आलिंगन देत ईदच्या शुभेच्छा दिल्या. शहरातील ईदगाह मैदानांवर मुस्लिम बांधवांची गर्दी झाली होती. हाजी गफ्फार मलीक, ईदगाह ट्रस्टचे अध्यक्ष करीम सालार, फारुख शेख आदी उपस्थित होते. शहरातील भिलपुरा, इस्लामपुरा व मेहरूण येथे मुस्लिम बांधवांनी बकरी ईद साजरी केली.
जिल्हाधिकाऱ्यांकडूनही शुभेच्छा
मुस्लिम बांधवाचा पवित्र सण बकरी ईदनिमित्त शनिवारी जिल्हाधिकारी किशोर राजे निंबाळकर आणि जिल्हा पोलिस अधीक्षक दत्तात्रय कराळे यांनी येथील ईदगाह मैदानावर जाऊन प्रशासनाच्यावतीने मुस्लिम बांधवांना शुभेच्छा दिल्या. सकाळी नऊ वाजता येथील ईदगाह मैदानावरील बकरी ईदची नमाज संपल्यानंतर त्यांनी मैदानात जाऊन मुस्लिम धर्मगुरू तसेच बांधवांना भेटून ईदच्या शुभेच्छा दिल्या. यावेळी उपविभागीय पोलिस अधिकारी सचिन सांगळेही त्यांच्यासोबत होते.
कुर्बानीसाठी बोकड खरेदी
बकरी ईदला बोकडाची कुर्बानी देण्याची प्रथा आहे. हा सण मुस्लिमबांधव तीन दिवसांपर्यंत साजरा करतात. यासाठी बोकडाच्या खरेदी-विक्रीत मोठी उलाढाल झाली. तांबापुरा, भिलपुरा या भागातदेखील २५ ते ३० हजार रुपयांचा बोकडाचा बळी देण्यात आला असल्याची माहिती अयाज अली यांनी दिली. शहरात यावल तालुक्यातील किनगाव येथून बोकडाची खरेदी करण्यात आली होती.
म. टा. प्रतिनिधी, जळगाव
देशात शांतता आणि सलोखा नांदो तसेच देश महासत्ता व्हावा यासाठी जिल्ह्यात मुस्लिमबांधवांनी शनिवारी (दि. २) बकरी ईदची सामुदायिक नमाजपठण केली. ‘त्याग’ अर्थात कुर्बानीचे महत्त्व विशद करणारी बकरी ईद जळगाव शहरात एकमेकांना शुभेच्छा देत मुस्लिम बांधवांनी मोठ्या उत्साहात साजरी केली.
जळगाव शहरात सकाळी साडेआठ वाजता ईदगाह मैदानावर सामुदायिक नमाजपठण झाले. सुप्रीम कॉलनीतील सुन्न ईदगाह ट्रस्टच्या मैदानावर सकाळी साडेआठ वाजता नमाजपठण करण्यात आले. मौलाना जाकीर रजा यांच्या नेतृत्वात ही नमाज अदा करण्यात आली. तरीका-ऐ-नमाज बाबत मौलाना नजमुल हक यांनी माहिती दिली. तर मौलाना अब्दुल रहीम यांनी सलानो सलाम म्हटले. तर सुन्नी ईदगाह मैदानावर सुन्नी ईदगाह ट्रस्टचे अध्यक्ष नियाज अली यांनी, प्रास्ताविक करत शांततेसाठी आवाहन केले.
इदगाव मैदानावर नमाज अदा
बकरी ईदनिमित्त मुस्लिम बांधवांनी एकमेकांना शुभेच्छा देत भाईचारा कायम केला. जुन्या ईदगाह मैदानावर मौलाना उस्मान काझी यांनी मुस्लिम बांधवांना धार्मिक संदेश दिला. तसेच बकरी ईदचे महत्त्व सांगितले. नमाज पठणानंतर मुस्लिम बांधवांनी गळाभेट व आलिंगन देत ईदच्या शुभेच्छा दिल्या. शहरातील ईदगाह मैदानांवर मुस्लिम बांधवांची गर्दी झाली होती. हाजी गफ्फार मलीक, ईदगाह ट्रस्टचे अध्यक्ष करीम सालार, फारुख शेख आदी उपस्थित होते. शहरातील भिलपुरा, इस्लामपुरा व मेहरूण येथे मुस्लिम बांधवांनी बकरी ईद साजरी केली.
जिल्हाधिकाऱ्यांकडूनही शुभेच्छा
मुस्लिम बांधवाचा पवित्र सण बकरी ईदनिमित्त शनिवारी जिल्हाधिकारी किशोर राजे निंबाळकर आणि जिल्हा पोलिस अधीक्षक दत्तात्रय कराळे यांनी येथील ईदगाह मैदानावर जाऊन प्रशासनाच्यावतीने मुस्लिम बांधवांना शुभेच्छा दिल्या. सकाळी नऊ वाजता येथील ईदगाह मैदानावरील बकरी ईदची नमाज संपल्यानंतर त्यांनी मैदानात जाऊन मुस्लिम धर्मगुरू तसेच बांधवांना भेटून ईदच्या शुभेच्छा दिल्या. यावेळी उपविभागीय पोलिस अधिकारी सचिन सांगळेही त्यांच्यासोबत होते.
कुर्बानीसाठी बोकड खरेदी
बकरी ईदला बोकडाची कुर्बानी देण्याची प्रथा आहे. हा सण मुस्लिमबांधव तीन दिवसांपर्यंत साजरा करतात. यासाठी बोकडाच्या खरेदी-विक्रीत मोठी उलाढाल झाली. तांबापुरा, भिलपुरा या भागातदेखील २५ ते ३० हजार रुपयांचा बोकडाचा बळी देण्यात आला असल्याची माहिती अयाज अली यांनी दिली. शहरात यावल तालुक्यातील किनगाव येथून बोकडाची खरेदी करण्यात आली होती.