मी अजित पवारांसोबतच : आ. अनिल पाटील

म. टा. प्रतिनिधी, जळगाव

सकाळी राजभवनात राज्यपालांसमोर मी राष्ट्रवादीचे नेते अजित पवार यांच्यासोबत होते. माझ्यासह आणखी १५ राष्ट्रवादीचे आमदार तेथे उपस्थित असल्याची माहीती जळगाव जिल्ह्यातील अमळनेर येथिल राष्ट्रवादीचे आमदार अनिल भाईदास पाटील यांनी दिली.

अमळनेर येथिल राष्ट्रवादी काँग्रसेचे आमदार अनिल भाईदास पाटील हे आज सकाळी राज्यभवनात अजित पवार यांच्यासोबत होते. त्यांनी सांगितल्यानुसार राष्ट्रवादी काँग्रेसच्या सर्वच आमदारांचा सत्तेत जाणाच्या निर्णय होता. महाआघाडीतील तीन पक्षांची बैठक झाल्यानंतर देखील काँग्रेसच्या मागण्या वाढतच होत्या. रात्री उशीरापर्यंत सत्तास्थापनेचा निर्णय झालाच नाही. त्यामुळे सर्व आमदार याला कंटाळले होते. महाआघाडीचा सत्तास्थापनेचा निर्णय झाला नसता तर शिवसेना भाजपसोबत जाण्याची शक्‍यता होती. त्यामुळे रात्री उशीरा अजित पवारांशी चर्चा करून आमदारांनी हा निर्णय घेतला. सकाळी सात वाजता १५ आमदार राज्यपालासमोर उपस्थित होते. आणखी आमदारही येत असल्याचे ते म्हणाले मी सुद्धा अजित पवार यांच्यासोबत आहे. आपण राष्ट्रवादी काँग्रेस सोबत आहोत. राष्ट्रवादी काँग्रेस अजित पवार यांच्यासोबत आहे. आज आम्ही सर्व आमदार सोबत असल्याचा दावा देखील त्यांनी केला आहे.

दरम्यान, अनिल पाटील हे अगोदर भाजपातच होते. पण त्यांनी अजित पवारांच्या उपस्थितीत कार्यकर्त्यांसह भाजपात प्रवेश केला होता. आता त्यांनी आपला अजित पवारांनाच पाठिंबा असल्याचं सांगितलं आहे.

संबंधित बातम्या :
धनंजय मुंडेंशी संपर्क झालाय : संजय राऊत
फाटाफुटीचं असं राजकारण खूप पाहिलंय: पवार
रात्री पावणे बारा ते सकाळी ८, सत्तास्थापनेचा घटनाक्रम
आता हरीभाऊ बागडे ठरणार 'किंगमेकर'