म. टा. प्रतिनिधी, जळगाव
स्त्रियांच्या समस्यांचे, व्यथा-वेदनांचे वैश्विक प्रतिनिधित्व करणारी अमिना ही नायिकाप्रधान कादंबरी आहे. आफ्रिकेतल्या नायजेरियासारख्या देशातील बकारो शहरातील हे वास्तव लेखक मोहंमद उमर यांनी मांडले आहे, असे प्रतिपादन महाराष्ट्र साहित्य परिषदेचे जळगाव जिल्हाध्यक्ष प्राचार्य डॉ. किसन पाटील यांनी केले. ते सुखदेव वाघ यांनी अहिराणीत अनुवादित केलेल्या या पहिल्या कादंबरीच्या प्रकाशनप्रसंगी बोलत होते.
साहित्याविषयीची आस्था असणाऱ्या सर्वांनी एकत्र येऊन दर महिन्याला चर्चा आणि कार्यक्रम घडवून आणावेत, नवागतांना प्रेरणा मिळावी यासाठी साहित्यदीप महाराष्ट्र परिषद जळगावच्या वतीने विविध कार्यक्रम घेतले जाणार आहेत, अशी माहिती डॉ. किसन पाटील यांनी प्रारंभी
दिली. साहित्यदीप महाराष्ट्र साहित्य परिषद जळगावच्या वतीने अण्णासाहेब बेंडाळे महिला महाविद्यालयात आयोजित कार्यक्रमात ते बोलत होते. यावेळी मोहम्मद उमर यांच्या 'अमिना' या सुखदेव वाघ यांनी अहिराणी बोलीत अनुवादित केलेल्या कादंबरीचे प्रकाशन प्रा. सी. एस. पाटील, डॉ. किसन पाटील, डॉ. प्रकाश सपकाळे, चंद्रकांत भंडारी यांच्या हस्ते करण्यात आले. व्यासपीठावर कादंबरीचे प्रकाशक युवराज माळी उपस्थित होते.
यावेळी कविसंमेलनही आयोजित करण्यात आले होते. याच्या अध्यक्षस्थानी रा. शे. साळुंखे होते. कविसंमेलनात विशाल पाटील, गोविंद देवरे, भीमराव सोनवणे, प्रफुल्ल पाटील, उदय येशे, गणेश सूर्यवंशी, आर. डी. चव्हाण, गोविंद पाटील, श. मु. चौधरी, रफिक पटवे, डॉ. प्रकाश सपकाळे, डॉ. किसन पाटील यांनी आपल्या कविता सादर केल्या. सूत्रसंचालन प्रा. सत्यजित साळवे यांनी केले तर आभारप्रदर्शन योगेश महाले यांनी केले.
स्त्रियांच्या समस्यांचे, व्यथा-वेदनांचे वैश्विक प्रतिनिधित्व करणारी अमिना ही नायिकाप्रधान कादंबरी आहे. आफ्रिकेतल्या नायजेरियासारख्या देशातील बकारो शहरातील हे वास्तव लेखक मोहंमद उमर यांनी मांडले आहे, असे प्रतिपादन महाराष्ट्र साहित्य परिषदेचे जळगाव जिल्हाध्यक्ष प्राचार्य डॉ. किसन पाटील यांनी केले. ते सुखदेव वाघ यांनी अहिराणीत अनुवादित केलेल्या या पहिल्या कादंबरीच्या प्रकाशनप्रसंगी बोलत होते.
साहित्याविषयीची आस्था असणाऱ्या सर्वांनी एकत्र येऊन दर महिन्याला चर्चा आणि कार्यक्रम घडवून आणावेत, नवागतांना प्रेरणा मिळावी यासाठी साहित्यदीप महाराष्ट्र परिषद जळगावच्या वतीने विविध कार्यक्रम घेतले जाणार आहेत, अशी माहिती डॉ. किसन पाटील यांनी प्रारंभी
दिली. साहित्यदीप महाराष्ट्र साहित्य परिषद जळगावच्या वतीने अण्णासाहेब बेंडाळे महिला महाविद्यालयात आयोजित कार्यक्रमात ते बोलत होते. यावेळी मोहम्मद उमर यांच्या 'अमिना' या सुखदेव वाघ यांनी अहिराणी बोलीत अनुवादित केलेल्या कादंबरीचे प्रकाशन प्रा. सी. एस. पाटील, डॉ. किसन पाटील, डॉ. प्रकाश सपकाळे, चंद्रकांत भंडारी यांच्या हस्ते करण्यात आले. व्यासपीठावर कादंबरीचे प्रकाशक युवराज माळी उपस्थित होते.
यावेळी कविसंमेलनही आयोजित करण्यात आले होते. याच्या अध्यक्षस्थानी रा. शे. साळुंखे होते. कविसंमेलनात विशाल पाटील, गोविंद देवरे, भीमराव सोनवणे, प्रफुल्ल पाटील, उदय येशे, गणेश सूर्यवंशी, आर. डी. चव्हाण, गोविंद पाटील, श. मु. चौधरी, रफिक पटवे, डॉ. प्रकाश सपकाळे, डॉ. किसन पाटील यांनी आपल्या कविता सादर केल्या. सूत्रसंचालन प्रा. सत्यजित साळवे यांनी केले तर आभारप्रदर्शन योगेश महाले यांनी केले.