ओजस्विनीत साकारला अद्ययावत स्टुडिओ

म. टा. प्रतिनिधी, जळगाव

अमृत महोत्सवाकडे वाटचाल करणाऱ्या खान्देश कॉलेज एज्युकेशन सोसायटीच्या एम. जे. कॉलेजच्या ओजस्विनी कला विभागात स्टील व लाईव्ह फोटोग्राफीचा अद्ययावत स्टुड‌िओ ओजस्विनीचे प्राचार्य यांनी साकारला आहे.

या स्टुडिओत कला शाखेतील स्टील फोटोग्राफी, मॉडेलिंग अॅण्ड व्ह‌िड‌िओ शुटिंगसुद्धा करता येते. येथे सोनी, निकॉन, कॅननसह अद्ययावत कॅमेरे, लेन्स, फिल्टर्स उपलब्ध आहेत. चेंजेबल ड्रेपरीसह विविध प्रकारे फ्लड व फोकस लाईट्स, रिफ्लेक्टर्स, कॅमेरा स्टॅण्ड, ट्रॉलीज उपलब्ध आहेत. अभिनव पद्धतीने तयार केलेले ऑडिओ रुम आहे. याशिवाय, शुटिंग केलेले फोटोग्राफ व व्ह‌िड‌िओ यांचे संगणकावर संकलन, संपादन व करेक्शन करण्यासाठी विविध प्रकारचे सॉफ्टवेअर उपलब्ध आहेत. यात प्रिमीअर प्रो, मॅजिक, सोनी वेगास सॉफ्टवेअर, प्रोक्वेट, फ्लॅश, कोरल, फोटोशॉप, इलस्ट्रेटर आदी ओरिजिनल सॉफ्टवेअरचा समावेश आहे. स्पेशल इफेक्टसाठी वापरले जाणारे सॉफ्टवेअरही उपलब्ध आहेत. ग्राफिक, फोटोग्राफी व फिल्म यांचे एकत्रित एडिटिंग शिकण्याची संधी खान्देशातील मुलांना यातून मिळाली आहे.

कमी खर्चात उभारणी

दृश्यकला, पत्रकारिता आणि प्रिंटींग टेक्नॉलॉजीसह इतर ज्या अभ्यासक्रमात फोटोग्राफी व व्ह‌िड‌िओग्राफी आहे ते विद्यार्थी या अद्ययावत स्टुडिओत प्रशिक्षणासह उत्तम निर्मिती करू शकतात. ओजस्विनी कला विभागात फोटोग्राफर्स मंडळींसाठी खास स्वतंत्र अभ्यासक्रम आहे. सोसायटीचे अध्यक्ष नंदकुमार बेंडाळे आणि प्राचार्य डॉ. यू. डी. कुळकर्णी यांच्या मार्गदर्शनाखाली ओजस्विनीचे प्राचार्य अविनाश काटे यांनी अत्यंत कमी खर्चात भरपूर सुविधांनी परिपूर्ण असा हा स्टुडिओ साकारला आहे.

सृजनशीलतेला वाव

या स्टुडिओमुळे विद्यार्थ्यांच्या सृजनश‌िलतेला वाव मिळणार आहे. कला क्षेत्रातील विद्यार्थ्यांना ज्ञानात आणि उपक्रमात हा स्टुडिओ मोठी भूमिका बजावणार आहे. त्यामुळे भविष्याम खान्देशातून तरुण फिल्म इंडस्ट्र‌ित आपला एक वेगळा ठसा उमटवू शकणार आहेत.