डेंग्यूने शहरात डॉक्टरचा मृत्यू

म. टा. प्रतिनिधी, जळगाव

शहरातील ईश्वर कॉलनी भागात राहणाऱ्या एका डॉक्टरांना आठ दिवसांपासून डेंग्यूने ग्रासले होते. रविवारी (दि. १२) सायंकाळी ५ वाजता त्यांची प्राणज्योत मालवली. यामुळे आता सामान्य नागरिकांना बेजार करून ठेवणाऱ्या डेंग्यूने डॉक्टरांनादेखील त्रास देण्यास सुरुवात केली आहे.

डॉ. प्रशांत अनंत सरकार (वय ४५) असे मृत डॉक्टरांचे नाव असून, ५ नोव्हेंबरला डॉ. सरकार यांना ताप असल्यामुळे ते एका खासगी रुग्णालयात दाखल झाले होते. तेथे सहा दिवस उपचार घेतल्यानंतर त्यांच्या प्रकृतीत थोड्याप्रमाणातच सुधारली झाली. १० नोव्हेंबरला डिस्चार्ज घेऊन ते घरी परतले मात्र ११ नोव्हेंबरला पुन्हा त्यांच्या प्लेटलेटस् कमी झाल्याने त्यांना रविवारी पहाटे

त्यांना पुन्हा एका खासगी रुग्णालयातील अतिदक्षता विभागात दाखल करण्यात आले. डेंग्यूमुळे दुपारपर्यंत डॉ. सरकार यांची प्रकृती अधिकच गंभीर झाली होती. तर सायंकाळी पाच वाजता त्यांचा मृत्यू झाला. डॉ. सरकार यांचे रथ चौकात क्लिनिक आहे. आठवड्यापासून ते डेंग्यू आजाराचा सामना करीत होते.