स्फोटातील एका कर्मचाऱ्याचा मृत्यू

जळगाव : एमआयडीसीतील गीतांजली केमिकल कंपनीतील स्फोटात जखमी झालेला कामगार गणेश बन्सीलाल साळी यांचा शुक्रवारी (दि. १२) सकाळी मृत्यू झाल्यानंतर शनिवारी (दि. १३) दुपारी ३ वाजेच्या सुमारास दुसरा जखमी कामगार योगेश प्रकाश नारखेडे यांचादेखील उपचार घेत असताना मृत्यू झाला.

शुक्रवारी गणेश बन्सीलाल साळी या कामगाराचा मृत्यू झाला होता. शनिवारी सकाळी त्यांच्यावर अंत्यसंस्कार करण्यात आले. दुसरा जखमी कामगार योगेश प्रकाश नारखेडे हे मुंबई येथे उपचार घेत होते. परंतू, आज शनिवारी दुपारी त्यांचादेखील उपचारादरम्यान मृत्यू झाला आहे. योगेश प्रकाश नारखेडे यांच्या पश्चात पत्नी ममता, दहा महिन्याचा मुलगा जिवांश व भाऊ राकेश तसेच आई असा परिवार आहे.