‘मुक्त’च्या प्रवेशप्रक्रियेला सुरुवात

म. टा. वृत्तसेवा, जळगाव

यशवंतराव चव्हाण मुक्त विद्यापीठातर्फे विविध अभ्यासक्रमांसाठी प्रवेशप्रक्रिया नुकतीच सुरू झाली असून, येत्या ३१ ऑगस्टपर्यंत विद्यार्थ्यांना ऑनलाइन पद्धतीद्वारे प्रवेश निश्चित करता येणार आहे. स्थानिक केंद्रावरून केवळ दोन विद्याशाखांसाठी विद्यार्थ्यांना प्रवेश घेता येणार आहे. मात्र, त्यासाठीची लिंक ओपन होत नसल्याने विद्यार्थी हैराण झाले आहेत.

गेल्या चार ते पाच दिवसांपासून मुक्त विद्यापीठाच्या विविध अभ्याक्रमांच्या प्रवेशप्रक्रियेला सुरुवात झाली आहे, मात्र मुक्त विद्यापीठाच्या अॅडमिशन या लिंकवर गेल्यावर ही लिंक ओपन होत नसल्याने विद्यार्थी हैराण झाले आहेत. येत्या ३१ ऑगस्टपर्यंत ही ऑनलाइन प्रक्रिया सुरू राहणार असून, विद्यार्थ्यांना ऑनलाइन अर्जाची प्रत नूतन मराठा महा‌विद्यायलातील केंद्रात जमा करावी लागेल, केंद्र संयोजक एल. पी. देशमुख यांनी म.टा.शी बोलताना सांगितले. कला शाखेसाठी नवीन अट बारावीनंतर डी. एड. उत्तीर्ण विद्यार्थ्यांना आतापर्यंत कला शाखेच्या थेट द्वितीय वर्षाला प्रवेश देण्यात येत होता मात्र, शैक्षणिक वर्ष २०१६-२०१७ पासून संबंधित विद्यार्थ्यांना द्वितीय नव्हे, तर प्रथम वर्षालाच प्रवेश घ्यावा लागणार आहे, अशी माहिती देण्यात आली.

... तर विद्यार्थ्यांचे प्रवेश ऑफलाइन होणार

नूतन मराठा केंद्रात बी.ए., बी.कॉम., एम.कॉम. या अभ्यासक्रमांसाठी ऑनलाइन प्रवेश देणे सुरू आहे. यात काही अडचण आल्यास ऑगस्ट अखेरीस ऑफलाईन पद्धतीने प्रवेश देण्यात येणार आहेत.