चाळीसगाव : पाचोरा शहरातील कृष्णापुरी भागातील तरुणाचा उष्माघाताने मृत्यू झाला. बुधवारी (दि. २२) दुपारी ३ वाजता ही घटना घडली. अनिल रामलाल बोरसे (धनगर) (वय ३२) असे या तरुणाचे नाव आहे. अनिल बोरसे याचे रेल्वे स्टेशन रस्त्यावर सायकल रिपेअरिंगचे दुकान आहे. अनिल हा सकाळपासुन उन्हात काम करीत होता. त्यामुळे त्याला उष्माघाताचा फटका बसला. दुपारी ३ वाजेच्या सुमारास तो दुकानावर रिपेरिंग काम करत असताना अचानक चक्कर आल्याने जागीच कोसळला. त्याला आजूबाजूच्या लोकांनी उपचारार्थ पाचोरा ग्रामीण रुग्णालयात दाखल केले असता डॉ. अमित साळुंखे यांनी तो मृत असल्याचे सांगितले. मृत अनिलच्या पश्चात आई, वडील, पत्नी, मुलगी, चार विवाहित बहिणी असा परिवार आहे.
पाचोऱ्यात तरुणाचा उष्माघाताने मृत्यू
पाचोरा शहरातील कृष्णापुरी भागातील तरुणाचा उष्माघाताने मृत्यू झाला. बुधवारी (दि. २२) दुपारी ३ वाजता ही घटना घडली. अनिल रामलाल बोरसे (धनगर) (वय ३२) असे या तरुणाचे नाव आहे.
Maharashtra Times 23 May 2019, 5:00 am