‘पल्लव साहेब’ने वर्सी महोत्सवाची सांगता

म. टा. प्रतिनिधी, जळगाव

पूज्य अमर शहीद संत कंवरराम याचा ६० वा वर्सी, पूज्य संत हरदासराम यांच्या ४० तर संत बाबा गेलाराम यांच्या नववी वर्सी महोत्सव गेल्या चार दिवसांपासून सुरू होता. या महोत्सवाची बुधवारी (दि. ११) पल्लव साहेबने सांगता करण्यात आली.

शहरात गेल्या ५० वर्षांपासून सुरू असलेल्या सिंधी समाजाचे अमर शहीद संत कंवरराम साहब व संत बाबा हरदासराम साहब गोदडीवालेबाबा व संत बाबा गेलाराम साहब यांचा वर्सी महोत्सवाला रविवारपासून सुरुवात झाली. चार दिवसांच्या वर्सी महोत्सवाला देशभरातून भाविकांची

उपस्थिती होती. बुधवारी (दि. ११) सकाळी ११ वाजता अमरावती येथील साई राजेशकुमार, संत बाबा गेलाराम यांचे शिष्य देवीदासभाई, विलासपुर येथील बलरामसाई या संतांच्या उपस्थितीत पल्लव साहेबच्या कार्यक्रमाला

सुरुवात झाली.

विश्वशांतीसाठी प्रार्थना

या वर्सी महोत्सवाला आलेल्या तमाम सिंधी समाजबांधवांनी विश्वशांती, सुख समृद्धीसाठी प्रार्थना करून भक्तिगीतांवर आनंदोत्सव साजरा केला. त्यानंतर सर्व भाविकांना प्रसादाचे वाटप करून दुपारी ३ वाजेच्या सुमारास मोठ्या भक्तिमय वातावरणात पल्लव साहेबने चार दिवसांपासून सुरू असलेल्या वर्सी महोत्सवाची सांगता करण्यात आली. पोलिस प्रशासन, महानगरपालिका यांच्यासह वाहतूक पोलिसांचा ट्रस्टच्या वतीने त्यांचा सत्कार

करण्यात आला.

वर्सी महोत्सव पार पाडण्यासाठी संत बाबा हरदासराम साहेब व संतबाबा गेलाराम साहेब ट्रस्ट, संत बाबा जुडियाराम, नशिराबाद पंचायत, समाधा आश्रम, एसएसडी मंडळ, बीएचआर महिला मंडळ, एसएसडी महिला मंडळ यांच्यासह अशोक मंधान, टिकाराम तेजवाणी, सुरेश केसवाणी, शंकरलाल लखवाणी, देवानंद लखवाणी, राजू आडवाणी, सतीश पंजाबी, राम कटारीया, हेमू भावनानी यांनी परिश्रम घेतले.