उमविची पेट परीक्षा २३ सप्टेंबरपासून

म. टा. प्रतिनिधी, जळगाव

उत्तर महाराष्ट्र विद्यापीठाची पीएच.डी. प्रवेशपूर्व (पेट) परीक्षा दि.२३ ते २५ सप्टेंबर, २०१७ दरम्यान ऑनलाईन पद्धतीने जी.एच.रायसोनी इन्स्टिट्युट ऑफ इन्फॉर्मेशन टेक्नॉलॉजी, जळगाव येथे आयोजित करण्यात आली आहे.

पेट परीक्षेसाठी एकूण ३३७९ विद्यार्थी ५० विषयांच्या परीक्षेकरिता पात्र ठरले आहेत. या परीक्षेसाठी हॉल तिकीट यापूर्वीच विद्यार्थ्यांच्या आयडीमध्ये उपलब्ध करून देण्यात आलेले असून, त्यावर आवश्यक त्या सूचना देण्यात आलेल्या आहेत. ही परीक्षा सकाळी ८ ते संध्याकाळी ६ वाजेपर्यंत घेण्यात येणार आहे. सविस्तर वेळापत्रक विद्यापीठाच्या संकेतस्थळामार्फत उपलब्ध करून देण्यात आले आहे, असे संशोधन व विकास विभागाचे विशेष कार्य अधिकारी प्रा. पी. पी. माहुलीकर यांनी कळविले आहे.