चोपड्यात ‘रंगीला सावन’ उत्साहात

इनरव्हिल क्लबकडून यशस्वी आयोजन

म. टा. प्रतिनिधी, जळगाव
चोपडा इनरव्हिल क्लबतर्फे श्रावण महिन्यानिमित्त ‘रंगीला सावन’ हा कार्यक्रम घेण्यात आला. यामध्ये एकल नृत्य, द्विनृत्य, समूहनृत्य, फॅशन शो यांसारख्या स्पर्धांचे आयोजन करण्यात आले होते. हा कार्यक्रम शहरातील नगरपालिका नाट्यगृहात मोठ्या उत्साहात पार पडला.

कार्यक्रमाची सुरुवात मान्यवरांच्या हस्ते दीपप्रज्वलनाने करण्यात आली. या वेळी प्रमुख पाहुणे म्हणून सीमा राजाराम पाटील उपस्थित होत्या. स्पर्धेचे परीक्षण संगीता घोडगावकर, नूतन कक्कर यांनी केले. कार्यक्रमाचे संचालक म्हणून डिस्ट्रिक्ट सेक्रेटरी अश्विनी गुजराथी, अध्यक्षा डॉ. कांचन टिल्लू, सेक्रेटरी चेतना बडगुजर यांनी तर प्रकल्प चेअरमन म्हणून चंचल जैस्वाल यांनी काम पाहिले.

मान्यवरांच्या हस्ते ‘ममता मिशन’ उपक्रमाच्या बॅनरचेही अनावरण करण्यात आले. या वेळी घेण्यात आलेल्या स्पर्धांमध्ये नेहा मखवाणी, शीतल शर्मा, अवनी गुजराथी, रिता हुंडीवाले, लिना पाटील, नंदा बारेला, प्रिया गुजराथी, वैशाली गुजराथी, ज्योती पांडव, शीतल नागपुरे यांना बक्षीस देण्यात आले. तर समूहनृत्यात माधुरी अहिरराव ग्रुप, नेवे ग्रुप. फॅशनशोमध्ये सोनल जैन, सपना पाटील यांना बक्षीस देण्यात आले. वेगवेगळ्या समूहांनी मराठी, हिंदी चित्रपटगीतांवर बहारदार सादरीकरण करीत उपस्थितांची मने जिंकली. यशस्वीतेसाठी खुशबू जैस्वाल, सेजल अग्रवाल, अंकिता जैन, पारूल जैन, शीला शेलार यांनी परिश्रम घेतले. सीमा पाटील यांनी आभार मानले. कार्यक्रमास शैला सोमाणी, किरण पालिवाल, रुपाली काबरा, पूजा तोतला, मंजुषा अग्रवाल, राजेश्वरी अग्रवाल, प्रभाताई पाटील, भारती बोरसे, मोना जैन, मीना पोतदार, अरुणा बाविस्कर, शुभांगी पाटील उपस्थित होत्या.