म. टा. प्रतिनिधी, जळगाव
भरधाव वेगात येणाऱ्या कारने कट मारल्याने राष्ट्रीय महामार्गावरील शिव कॉलनी उड्डाणपुलावरून रिक्षा खाली कोसळल्याची घटना सोमवारी (दि. २७) दुपारी १ वाजता घडली. या घटनेत रिक्षाचालक गंभीर जखमी झाला असून, रिक्षाचे नुकसान झाले आहे. या घटनेमुळे महामार्गावरील वाहतूक विस्कळीत झाली होती.
पिंप्राळा येथील रिक्षाचालक सागर कोळी सोमवारी रिक्षाने (एमएच. १९, जे. ६८९३) राष्ट्रीय महामार्गावरील शिव कॉलनी उड्डाणपुलावरून घराकडे जात होता. पुलावर समोरून येणार्या भरधाव कारने रिक्षाला कट मारला. यात सागरचे रिक्षावरील नियंत्रण सुटल्याने रिक्षा शिव कॉलनी रेल्वे पुलावरून खाली कोसळली. यात सागर हा गंभीर जखमी झाला असून, त्यास पाठीला गंभीर दुखापत झाली आहे.
एमआयडीसीत चोरी
एमआयडीसीत बॅटरी तयार करणाऱ्या एका कंपनीतून ३५ हजार रुपयांचे सिल्ली लिडचे ८ नग चोरीस गेल्याची घटना सोमवारी (दि. २७) सकाळी उघडकीस आली. याप्रकरणी गुन्हा दाखल करण्यात आला आहे. एमआयडीसीमधील ई ८० क्रमांकाची आनंद बॅटरी ही लखन बुधानी यांची कंपनी आहे. रविवारी (दि. २६) रात्री चोरट्यांनी या कंपनीत तयार झालेले सिल्ली लिडचे ८ नग चोरून नेले. या लिडची किंमत ३५ हजार रुपये आहे. सोमवारी सकाळी कंपनीचे व्यवस्थापक प्रमोद पाटील यांच्या निदर्शनास ही बाब आली.
भरधाव वेगात येणाऱ्या कारने कट मारल्याने राष्ट्रीय महामार्गावरील शिव कॉलनी उड्डाणपुलावरून रिक्षा खाली कोसळल्याची घटना सोमवारी (दि. २७) दुपारी १ वाजता घडली. या घटनेत रिक्षाचालक गंभीर जखमी झाला असून, रिक्षाचे नुकसान झाले आहे. या घटनेमुळे महामार्गावरील वाहतूक विस्कळीत झाली होती.
पिंप्राळा येथील रिक्षाचालक सागर कोळी सोमवारी रिक्षाने (एमएच. १९, जे. ६८९३) राष्ट्रीय महामार्गावरील शिव कॉलनी उड्डाणपुलावरून घराकडे जात होता. पुलावर समोरून येणार्या भरधाव कारने रिक्षाला कट मारला. यात सागरचे रिक्षावरील नियंत्रण सुटल्याने रिक्षा शिव कॉलनी रेल्वे पुलावरून खाली कोसळली. यात सागर हा गंभीर जखमी झाला असून, त्यास पाठीला गंभीर दुखापत झाली आहे.
एमआयडीसीत चोरी
एमआयडीसीत बॅटरी तयार करणाऱ्या एका कंपनीतून ३५ हजार रुपयांचे सिल्ली लिडचे ८ नग चोरीस गेल्याची घटना सोमवारी (दि. २७) सकाळी उघडकीस आली. याप्रकरणी गुन्हा दाखल करण्यात आला आहे. एमआयडीसीमधील ई ८० क्रमांकाची आनंद बॅटरी ही लखन बुधानी यांची कंपनी आहे. रविवारी (दि. २६) रात्री चोरट्यांनी या कंपनीत तयार झालेले सिल्ली लिडचे ८ नग चोरून नेले. या लिडची किंमत ३५ हजार रुपये आहे. सोमवारी सकाळी कंपनीचे व्यवस्थापक प्रमोद पाटील यांच्या निदर्शनास ही बाब आली.