महासभेकडे गाळेधारकांचे लक्ष; अंदाजपत्रकास मंजुरी देणार
म. टा. प्रतिनिधी, जळगाव
राष्ट्रीय महामार्गलगतचे समांतर रस्ते भारतीय राष्ट्रीय राजमार्ग प्राधिकरणाकडे वर्ग करून विकसित केल्यानंतर महापालिकेच्या ताब्यात घेण्याच्या निर्णयासाठी आज (दि. २३) सकाळी ११.३० वाजता महापौर ललीत कोल्हे यांच्या अध्यक्षतेखाली महासभा होणार आहे. सोबतच मनपाच्या सन २०१७-२०१८ चे सुधारित अंदाजपत्रकासह सन २०१८-१९ चे मूळ अंदाजपत्रकास स्थायी समितीने मान्यता दिली आहे. त्याच्या मान्यतेसाठी ही विशेष महासभा होणार आहे.
महापालिकेच्या या महासभेत एकूण सहा विषयांवर चर्चा केली जाणार आहे. या महाभसेकडे गाळेधारकांचेदेखील लक्ष लागलेले असून, गाळेधारकांच्या आंदोलनाच्या पार्श्वभूमीवर प्रभारी आयुक्तांकडून याबाबत माहिती देण्यात येण्याची शक्यता आहे. त्यामुळे या महासभेत काय होते, याबाबत चर्चा सुरू झालेली आहे. समांतर रस्त्याबाबतही यावेळी चर्चा होऊन त्याचा तोडगा निघण्याची शक्यता आहे.
सहा विषयांवर चर्चा होणार
जळगाव शहरातून जाणाऱ्या महामार्गाच्या दोन्ही बाजूने समांतर रस्ते नसल्यामुळे अपघात होऊन अनेकांना जीव गमवावा लागला आहे. हे समांतर रस्ते विकसित करण्यासाठी अनेकवेळा आंदोलनेही करण्यात आली. दरम्यान, दि. ७ मार्च रोजी केंद्रीय मंत्री नितीन गडकरी यांच्या उपस्थितीत दिल्ली येथे झालेल्या बैठकीत त्यांनी या रस्त्याच्या प्रकल्प अहवालास मान्यता दिली. तसेच राष्ट्रीय महामार्गलगतचे समांतर रस्ते विकसित करण्यासाठी भूमी अभिन्यास मंजूर करताना ज्या रस्त्यांच्या जागा महापालिकेच्या ताब्यात आहेत. त्या जागा रस्ते विकासासाठी भारतीय राष्ट्रीय राजमार्ग प्राधिकरणाच्या ताब्यात देण्यास व काम पूर्ण झाल्यानंतर समांतर रस्ते विनाशर्त मनपाकडे ताब्यात घेण्यात मान्यता मिळणाच्या प्रस्तावावर निर्णय घेणे. तसेच महात्मा गांधी उद्यान व्यवस्था व दुरुस्तीकरीता खासगी संस्थेमार्फत निविदा मागविण्याच्या प्रस्तावावर निर्णय घेण्यासह ६ विषयांवर चर्चा केली जाणार आहे.
म. टा. प्रतिनिधी, जळगाव
राष्ट्रीय महामार्गलगतचे समांतर रस्ते भारतीय राष्ट्रीय राजमार्ग प्राधिकरणाकडे वर्ग करून विकसित केल्यानंतर महापालिकेच्या ताब्यात घेण्याच्या निर्णयासाठी आज (दि. २३) सकाळी ११.३० वाजता महापौर ललीत कोल्हे यांच्या अध्यक्षतेखाली महासभा होणार आहे. सोबतच मनपाच्या सन २०१७-२०१८ चे सुधारित अंदाजपत्रकासह सन २०१८-१९ चे मूळ अंदाजपत्रकास स्थायी समितीने मान्यता दिली आहे. त्याच्या मान्यतेसाठी ही विशेष महासभा होणार आहे.
महापालिकेच्या या महासभेत एकूण सहा विषयांवर चर्चा केली जाणार आहे. या महाभसेकडे गाळेधारकांचेदेखील लक्ष लागलेले असून, गाळेधारकांच्या आंदोलनाच्या पार्श्वभूमीवर प्रभारी आयुक्तांकडून याबाबत माहिती देण्यात येण्याची शक्यता आहे. त्यामुळे या महासभेत काय होते, याबाबत चर्चा सुरू झालेली आहे. समांतर रस्त्याबाबतही यावेळी चर्चा होऊन त्याचा तोडगा निघण्याची शक्यता आहे.
सहा विषयांवर चर्चा होणार
जळगाव शहरातून जाणाऱ्या महामार्गाच्या दोन्ही बाजूने समांतर रस्ते नसल्यामुळे अपघात होऊन अनेकांना जीव गमवावा लागला आहे. हे समांतर रस्ते विकसित करण्यासाठी अनेकवेळा आंदोलनेही करण्यात आली. दरम्यान, दि. ७ मार्च रोजी केंद्रीय मंत्री नितीन गडकरी यांच्या उपस्थितीत दिल्ली येथे झालेल्या बैठकीत त्यांनी या रस्त्याच्या प्रकल्प अहवालास मान्यता दिली. तसेच राष्ट्रीय महामार्गलगतचे समांतर रस्ते विकसित करण्यासाठी भूमी अभिन्यास मंजूर करताना ज्या रस्त्यांच्या जागा महापालिकेच्या ताब्यात आहेत. त्या जागा रस्ते विकासासाठी भारतीय राष्ट्रीय राजमार्ग प्राधिकरणाच्या ताब्यात देण्यास व काम पूर्ण झाल्यानंतर समांतर रस्ते विनाशर्त मनपाकडे ताब्यात घेण्यात मान्यता मिळणाच्या प्रस्तावावर निर्णय घेणे. तसेच महात्मा गांधी उद्यान व्यवस्था व दुरुस्तीकरीता खासगी संस्थेमार्फत निविदा मागविण्याच्या प्रस्तावावर निर्णय घेण्यासह ६ विषयांवर चर्चा केली जाणार आहे.