म. टा. प्रतिनिधी, जळगाव
सोशल मीडियाद्वारे पुणे येथील अल्पवयीन मुलीची फसवणूक करणाऱ्या जळगावच्या तरुणास पुणे पोलिसांनी पीडित मुलीच्या आईच्या तक्रारीनंतर जळगावमधून रविवारी (दि. २५) ताब्यात घेतले. दरम्यान, शनिवारी पुणे येथील बिबडेवाडी येथील पोलिस स्टेशनला तरुणाविरुद्ध गुन्हा दाखल करण्यात आला आहे.
पुणे येथील सतरावर्षीय अल्पवयीन मुलीशी जळगावच्या तरुणाने ओळख करीत तिला प्रेमाच्या जाळ्यात फसविले. त्यानंतर तिला लग्नाचे आमीष देत तरुणाने पुण्यात जाऊन तिच्यावर अत्याचार केले. या तरुणाने पुण्यात पीडितेचे विवस्त्र अवस्थेतील फोटो, व्हिडीओ मोबाइलमध्ये काढले. माझ्यावरील प्रेम सिद्ध करण्यासाठी पीडितेला शारीरिक इजा करण्यास भाग पाडले. गौरव रुपा चंदनकर (वय २०, रा. बळीराम पेठ) असे अटक केलेल्या तरुणाचे नाव आहे. त्याने पुण्यातील अल्पवयीनवर अत्याचार केले असल्याचा गुन्हा दाखल करण्यात आला आहे.
मुलीच्या आईने दिलेल्या फिर्यादीनुसार, गौरव याने जून २०१८ मध्ये पुजाच्या फेसबुकवर फ्रेंड रिक्वेस्ट सेंड केली होती. यातून दोघांमध्ये संपर्क होऊन एकमेकांचे मोबाइल क्रमांक शेअर झाले. पुढे त्याद्वारे दि. १३ नोव्हेंबर रोजी गौरवने पीडितेला फोन करून लग्न करण्याचे आमीष देत पुण्याला भेटण्यासाठी येणार असल्याचेही सांगितले. दि. १४ नोव्हेंबर रोजी गौरव मित्रासह पुण्याला आला. त्याने पीडितेला बोलावून घेत दुपारी १२ वाजता एका हॉटेलमध्ये शितपेय घेतले. यानंतर काम असल्याचा बहाणा करून गौरवने तिला लॉजवर नेले. लॉजमधील खोलीत गौरवने जबरदस्तीने तिच्यावर अत्याचार केले. यानंतर त्याने ही गोष्ट कोणाला सांगितल्यास तुझ्या घरच्यांना सर्व सांगण्याची धमकी दिली. दोन दिवसांनंतर पुन्हा गौरवने पीडितेचे विवस्त्र अवस्थेत फोटो, व्हिडीओ काढले. हे सर्व घडल्याने पीडितेला मोठा धक्का बसला, तिने ही बाब कुटुंबीयांनी सांगितली. यानंतर पीडितेच्या आईने बिबवेवाडी पोलिस ठाण्यात येऊन फिर्याद दिल्यानुसार गौरवविरुद्ध अत्याचार, बालकांचे लैंगिक अत्याचारापासून संरक्षण कायदा कलम, विनयभंग, माहिती व तंत्रज्ञान कायदा कलमांतर्गत गुन्हा दाखल करण्यात आला. या प्रकरणी व्ही. व्ही. शिंदे, ए. एम. महांगडे, एस. मोरे यांनी जळगाव शहर पोलिस ठाणे गाठले. त्यांनी प्रीतम पाटील, रतनहरी गिते, संजय भालेराव यांच्या मदतीने सकाळी १० वाजता गौरवला ताब्यात घेतले. कायदेशीर प्रक्रिया पूर्ण झाल्यानंतर दुपारी १२ वाजता पुणे पोलिस गौरवला घेऊन रवाना झाले.
सोशल मीडियाद्वारे पुणे येथील अल्पवयीन मुलीची फसवणूक करणाऱ्या जळगावच्या तरुणास पुणे पोलिसांनी पीडित मुलीच्या आईच्या तक्रारीनंतर जळगावमधून रविवारी (दि. २५) ताब्यात घेतले. दरम्यान, शनिवारी पुणे येथील बिबडेवाडी येथील पोलिस स्टेशनला तरुणाविरुद्ध गुन्हा दाखल करण्यात आला आहे.
पुणे येथील सतरावर्षीय अल्पवयीन मुलीशी जळगावच्या तरुणाने ओळख करीत तिला प्रेमाच्या जाळ्यात फसविले. त्यानंतर तिला लग्नाचे आमीष देत तरुणाने पुण्यात जाऊन तिच्यावर अत्याचार केले. या तरुणाने पुण्यात पीडितेचे विवस्त्र अवस्थेतील फोटो, व्हिडीओ मोबाइलमध्ये काढले. माझ्यावरील प्रेम सिद्ध करण्यासाठी पीडितेला शारीरिक इजा करण्यास भाग पाडले. गौरव रुपा चंदनकर (वय २०, रा. बळीराम पेठ) असे अटक केलेल्या तरुणाचे नाव आहे. त्याने पुण्यातील अल्पवयीनवर अत्याचार केले असल्याचा गुन्हा दाखल करण्यात आला आहे.
मुलीच्या आईने दिलेल्या फिर्यादीनुसार, गौरव याने जून २०१८ मध्ये पुजाच्या फेसबुकवर फ्रेंड रिक्वेस्ट सेंड केली होती. यातून दोघांमध्ये संपर्क होऊन एकमेकांचे मोबाइल क्रमांक शेअर झाले. पुढे त्याद्वारे दि. १३ नोव्हेंबर रोजी गौरवने पीडितेला फोन करून लग्न करण्याचे आमीष देत पुण्याला भेटण्यासाठी येणार असल्याचेही सांगितले. दि. १४ नोव्हेंबर रोजी गौरव मित्रासह पुण्याला आला. त्याने पीडितेला बोलावून घेत दुपारी १२ वाजता एका हॉटेलमध्ये शितपेय घेतले. यानंतर काम असल्याचा बहाणा करून गौरवने तिला लॉजवर नेले. लॉजमधील खोलीत गौरवने जबरदस्तीने तिच्यावर अत्याचार केले. यानंतर त्याने ही गोष्ट कोणाला सांगितल्यास तुझ्या घरच्यांना सर्व सांगण्याची धमकी दिली. दोन दिवसांनंतर पुन्हा गौरवने पीडितेचे विवस्त्र अवस्थेत फोटो, व्हिडीओ काढले. हे सर्व घडल्याने पीडितेला मोठा धक्का बसला, तिने ही बाब कुटुंबीयांनी सांगितली. यानंतर पीडितेच्या आईने बिबवेवाडी पोलिस ठाण्यात येऊन फिर्याद दिल्यानुसार गौरवविरुद्ध अत्याचार, बालकांचे लैंगिक अत्याचारापासून संरक्षण कायदा कलम, विनयभंग, माहिती व तंत्रज्ञान कायदा कलमांतर्गत गुन्हा दाखल करण्यात आला. या प्रकरणी व्ही. व्ही. शिंदे, ए. एम. महांगडे, एस. मोरे यांनी जळगाव शहर पोलिस ठाणे गाठले. त्यांनी प्रीतम पाटील, रतनहरी गिते, संजय भालेराव यांच्या मदतीने सकाळी १० वाजता गौरवला ताब्यात घेतले. कायदेशीर प्रक्रिया पूर्ण झाल्यानंतर दुपारी १२ वाजता पुणे पोलिस गौरवला घेऊन रवाना झाले.