म. टा. प्रतिनिधी, जळगाव
लोकसभेसोबतच विधानसभेच्या निवडणुका एकत्रित झाल्या तरी शिवसेनेचा फायदाच आहे. मात्र, फक्त बटण दाबून मतदान घेण्यापेक्षा ठप्पा मारून मतदान घ्यावे, अशी मागणी सहकार राज्यमंत्री गुलाबराव पाटील यांनी केली. जळगाव लोकसभा मतदारसंघाच्या शिवसेना पदाधिकारी यांच्या बैठकीत रविवारी मार्गदर्शन करताना त्यांनी ही भूमिका मांडली.
जळगावातील सरदार वल्लभभार्इ पटेल सभागृहात शिवसेना जळगाव लोकसभा मतदारसंघातील पदाधिकाऱ्यांची महत्त्वपूर्ण जिल्हा बैठक घेण्यात आली. यावेळी जळगाव लोकसभा मतदारसंघाचे संपर्कप्रमुख संजय सावंत, माजी आमदार चिमणराव पाटील, आर. ओ. पाटील, जिल्हाप्रमुख गुलाबराव वाघ, जळगाव ग्रामीण मतदारसंघाचे संपर्कप्रमुख महेश खैरनार, महानगरप्रमुख शरद तायडे, जिल्हा संघटक ज्ञानेश्वर महाराज जळकेकर, विधानसभा क्षेत्रप्रमुख संजय पाटील, महिला आघाडीच्या महानंदा पाटील उपस्थित होते.
हेवेदावे बाजूला ठेवा
पदाधिकारी व कार्यकर्त्यांनी निवडणुका जाहीर होण्याची प्रतीक्षा न करता आतापासून कामाला लागावे, असे आवाहन राज्यमंत्री गुलाबराव पाटील यांनी केले. बूथ कमिट्यांसाठी सक्रीय कार्यकर्त्यांचीच नेमणूक करण्याचा सल्लादेखील त्यांनी दिला. मनातले हेवेदावे बाजूला सारून पक्षाला वेळ द्यावा. पक्षाने काय दिले याचा विचार करण्यापेक्षा पक्षाला तुम्ही काय द्याल, हे लक्षात ठेवावे असे आवाहनही त्यांनी केले.
भाजप कामांचा गाजावाजा करते
भाजपकडून कामांचा मोठा गाजावाजा केला जातो, असा आरोप करीत आपल्याच जिवावर ए. टी. पाटील दोनवेळा खासदार झाले, असे राज्यमंत्री पाटील म्हणाले. रेल्वे थांबविली की ते किती मोठा गाजावाजा करतात. पण आता शिवसैनिकांनी पेटून उठून खासदार ए. टी. पाटील यांचा पराभव करा, असेही त्यांनी सांगितले. पक्षप्रमुख उद्धव ठाकरे यांचे स्वप्न पूर्ण करण्यासाठी विधानसभेवर भगवा फडकवा, असे आवाहन पाटील यांनी शेवटी केले. देश आणि राज्यात भाजप हा शिवसेनेच्या जिवावर वाढला आहे. आपल्या बळामुळे तो २ वरून १२१ वर गेला, असे मत संपर्कप्रमुख संजय सावंत यांनी व्यक्त केले. त्यामुळे आता पुढच्या काळातील निवडणुकांमध्ये भाजपला आपली ताकद काय असते, हे दाखवण्याची वेळ आल्याचे त्यांनी सांगितले. जळगाव महापालिकेच्या निवडणुकीसाठी जिल्ह्यातील सर्व यंत्रणा जळगाव शहरात आणून निवडणूक जिंका, असे आवाहनही सावंत यांनी केले.
लोकसभेसोबतच विधानसभेच्या निवडणुका एकत्रित झाल्या तरी शिवसेनेचा फायदाच आहे. मात्र, फक्त बटण दाबून मतदान घेण्यापेक्षा ठप्पा मारून मतदान घ्यावे, अशी मागणी सहकार राज्यमंत्री गुलाबराव पाटील यांनी केली. जळगाव लोकसभा मतदारसंघाच्या शिवसेना पदाधिकारी यांच्या बैठकीत रविवारी मार्गदर्शन करताना त्यांनी ही भूमिका मांडली.
जळगावातील सरदार वल्लभभार्इ पटेल सभागृहात शिवसेना जळगाव लोकसभा मतदारसंघातील पदाधिकाऱ्यांची महत्त्वपूर्ण जिल्हा बैठक घेण्यात आली. यावेळी जळगाव लोकसभा मतदारसंघाचे संपर्कप्रमुख संजय सावंत, माजी आमदार चिमणराव पाटील, आर. ओ. पाटील, जिल्हाप्रमुख गुलाबराव वाघ, जळगाव ग्रामीण मतदारसंघाचे संपर्कप्रमुख महेश खैरनार, महानगरप्रमुख शरद तायडे, जिल्हा संघटक ज्ञानेश्वर महाराज जळकेकर, विधानसभा क्षेत्रप्रमुख संजय पाटील, महिला आघाडीच्या महानंदा पाटील उपस्थित होते.
हेवेदावे बाजूला ठेवा
पदाधिकारी व कार्यकर्त्यांनी निवडणुका जाहीर होण्याची प्रतीक्षा न करता आतापासून कामाला लागावे, असे आवाहन राज्यमंत्री गुलाबराव पाटील यांनी केले. बूथ कमिट्यांसाठी सक्रीय कार्यकर्त्यांचीच नेमणूक करण्याचा सल्लादेखील त्यांनी दिला. मनातले हेवेदावे बाजूला सारून पक्षाला वेळ द्यावा. पक्षाने काय दिले याचा विचार करण्यापेक्षा पक्षाला तुम्ही काय द्याल, हे लक्षात ठेवावे असे आवाहनही त्यांनी केले.
भाजप कामांचा गाजावाजा करते
भाजपकडून कामांचा मोठा गाजावाजा केला जातो, असा आरोप करीत आपल्याच जिवावर ए. टी. पाटील दोनवेळा खासदार झाले, असे राज्यमंत्री पाटील म्हणाले. रेल्वे थांबविली की ते किती मोठा गाजावाजा करतात. पण आता शिवसैनिकांनी पेटून उठून खासदार ए. टी. पाटील यांचा पराभव करा, असेही त्यांनी सांगितले. पक्षप्रमुख उद्धव ठाकरे यांचे स्वप्न पूर्ण करण्यासाठी विधानसभेवर भगवा फडकवा, असे आवाहन पाटील यांनी शेवटी केले. देश आणि राज्यात भाजप हा शिवसेनेच्या जिवावर वाढला आहे. आपल्या बळामुळे तो २ वरून १२१ वर गेला, असे मत संपर्कप्रमुख संजय सावंत यांनी व्यक्त केले. त्यामुळे आता पुढच्या काळातील निवडणुकांमध्ये भाजपला आपली ताकद काय असते, हे दाखवण्याची वेळ आल्याचे त्यांनी सांगितले. जळगाव महापालिकेच्या निवडणुकीसाठी जिल्ह्यातील सर्व यंत्रणा जळगाव शहरात आणून निवडणूक जिंका, असे आवाहनही सावंत यांनी केले.