चित्रकला स्पर्धेतून सामाजिक प्रबोधन

म. टा. प्रतिनिधी, जळगाव

शहरातील जळगाव पीपल्स बँकेतर्फे नुकतीच चित्रकला स्पर्धा घेण्यात आली. या स्पर्धेत शहरातील ५ हजार विद्यार्थ्यांनी सहभाग नोंदविला. चित्रकला स्पर्धेत कॅशलेस व्यवहारासह विविध सामाजिक विषयांवरील चित्रे काढून विद्यार्थ्यांनी प्रबोधन केले.

दी जळगाव पीपल्स को-ऑप. बँकेतर्फे बहिणाबाई उद्यान येथे विद्यार्थ्यांसाठी रविवारी, (दि. २२) ही खुली चित्रकला स्पर्धा आयोजित करण्यात आली होती. प्रमुख अतिथी डॉ. प्रदीप पाटील, प्राचार्य वैजयंती तळेले यांच्या हस्ते स्पर्धेला सुरुवात झाली. चेअरमन भालचंद्र पाटील यांनी प्रास्ताविक केले.

कार्यक्रमास डॉ. सी. बी. चौधरी, दादा नेवे, सुरेखा चौधरी, अनिकेत पाटील, जान्हवी पाटील, दिलीप देशमुख, अधिकारी,कर्मचारी वृंद उपस्थित होते. कार्यक्रमाचे सूत्रसंचालन गायत्री जोशी यांनी केले.