बहिणाबाई चौधरींच्या जयंतीनिमित्त कार्यक्रम

जळगाव ः भवरलाल अ‍ॅण्ड कांताबाई फाउंडेशन यांच्या सहकार्यातून बहिणाबाई चौधरी मेमोरिअल ट्रस्टतर्फे बहिणाबाई चौधरी यांच्या १३७ व्या जयंतीनिमित्त ‘बहिणाई स्मृती संग्रहालय’ चौधरीवाडा राम पेठ, जुने जळगाव येथे आज (दि. २४) रोजी सकाळी साडेदहाला कविता वाचनासह विविध कार्यक्रम होणार आहे.

या कार्यक्रमास प्रमुख पाहुणे म्हणून ज्येष्ठ साहित्यिक भगवान भटकर उपस्थित राहतील. अध्यक्षस्थानी बहिणाबाई चौधरी मेमोरिअल ट्रस्टच्या विश्वस्त ज्योती अशोक जैन या असतील. तसेच बहिणाबाई चौधरी यांच्या नातसून पद्माबाई चौधरी, पणतसून स्मिता चौधरी, दिनानाथ चौधरी आदी मान्यवरांची उपस्थिती असेल. या कार्यक्रमास उपस्थितीचे आवाहन बहिणाबाई चौधरी मेमोरिअल ट्रस्टतर्फे करण्यात आले आहे.