निवडणूक आयोगाचे सचिव जळगावात

म. टा. प्रतिनिधी, जळगाव

निवडणूक आयोगाचे आयुक्त जे. एस. सहारिया यांचा आज होणारा दौरा रद्द झाला आहे. सहारिया दि. १८ जुलै रोजी शहरात येणार आहेत. दरम्यान आज निवडणूक आयोगाचे सचिव शेखर चन्ने हे मनपात येणार आहेत. सकाळी ११ वाजता मनपाच्या दुसऱ्या मजल्यावरील सभागृहात निवडणुकीबाबत आढावा घेणार आहेत.

राज्य निवडणूक आयोगाचे आयुक्त जे. एस. सहारिया आज (दि. १३) मनपा निवडणुकीचा आढावा घेण्यासाठी शहरात येणार होते. मात्र, मुंबईला सुरू असलेल्या पावसामुळे रेल्वेच्या काही गाड्या रद्द झाल्याने त्यांचा शुक्रवारी होणारा दौरा रद्द झाला आहेत.

प्राजक्ता लवंगारे घेणार आढावा
मनपा निवडणुकीसाठी नियुक्त करण्यात आलेल्या मुख्य निवडणूक निरीक्षक प्राजक्ता लवंगारे या दि. १६ जुलै रोजी शहरात येणार आहेत. त्या दि. १७ जुलै रोजी शहरातील सर्व मतदान केंद्र व मतमोजणी ठिकाणांची पाहणी करणार आहेत, अशी माहिती महापालिका आयुक्त चंद्रकांत डांगे यांनी दिली.