अनुचित प्रकार घडू नये यासाठी पोलिस बंदोबस्त
म. टा. प्रतिनिधी, जळगाव
राज्य परिवहन मंडळाच्या कर्मचाऱ्यांचा राज्यव्यापी बेमुदत संपाचा सोमवारी (दि. १६) मध्यरात्रीपासून इशारा दिला होता. या पार्श्वभूमीवर परिवहन मंडळाने प्रवाशांची गैरसोय होऊ नये म्हणून सज्जता केली आहे. तसेच यावेळी कोणताही अनुचित प्रकार घडू नये म्हणून बंदोबस्तासाठी पोलिस अधीक्षकांना पत्र व्यवहार करण्यात आला आहे.
जळगाव बसस्थानकातून सर्व बसेस नियमित प्रमाणे धावतील, असा दावाही जळगावच्या आगारातील अधिकाऱ्यांनी केला आहे. तर दुसरीकडे सोमवारी, मध्यरात्री १२ वाजेपासून बेमुदत संप अटळ असल्याचे सांगत संघटना पदाधिकाऱ्यांनी आंदोलन १०० टक्के यशस्वी होईल, अशी माहिती दिली आहे. मात्र अशावेळी बसने प्रवास करणाऱ्या प्रवाशांची दैना होणार आहे.
एसटी कर्मचाऱ्यांना सेवा ज्येष्ठतेनुसार पदनिहाय सातव्या वेतन आयोगातील वेतनश्रेणीसह सेवा, सवलती, विविध भत्ते यासह विविध प्रलंबित मागण्यांबाबत नेहमीच सरकारकडून आश्वासनांचा पाऊस पाडला जातो. मात्र त्यांच्या मागण्या पूर्ण केल्या जात नाहीत. त्यामुळे या सर्व मागण्या मान्य होईपर्यंत एसटी कामगारांनी बेमुदत संपाचे हत्यार उपसले आहे. सोमवारी (दि. १६) मध्यरात्रीपासून आंदोलनाला सुरुवात करण्यात आली आहे. सोमवारी दिवसभर कर्मचाऱ्यांसह प्रवाशांमध्येही या संपाबाबत चर्चा सुरू होती.
बसस्थानकावर पोलिस बंदोबस्त
एसटी कर्मचाऱ्यांच्या या बेमुदत संपामुळे प्रवाशांची गैरसोय होवू नये म्हणून प्रशासनानेही आपल्याकडून सज्जता केली आहे. त्यासाठी जळगाव आगार व्यवस्थापक प्रज्ञेश वासकर, स्थानकप्रमुख निलिमा बागूल यांनी सोमवारी, दुपारी जिल्हा पेठ पोलिस स्टेशन तसेच शहर पोलिस ठाण्यात बसस्थानकावर पोलिस बंदोबस्तासाठी पत्र दिले आहे. त्यानुसार सोमवारी मध्यरात्रीच नवीन बसस्थानकावर सहा कर्मचारी तर जुन्या बसस्थानकावर सहा कर्मचारी तैनात करण्यात आलेले होते. या आंदोलनात कोणताही अनुचित प्रकार घडू नये म्हणून तसेच रात्री ये-जा करणाऱ्या बसेसला अडथळा निर्माण होऊ नये म्हणून विभाग नियंत्रक चेतना खिरवाडकर यांच्यासह विभागातील अधिकारी रात्रभर बसस्थानकात उपस्थित राहणार असून, परिस्थितीवर नियंत्रण ठेवणार आहेत, अशीही माहिती प्रशासनाकडून देण्यात आली आहे.
म. टा. प्रतिनिधी, जळगाव
राज्य परिवहन मंडळाच्या कर्मचाऱ्यांचा राज्यव्यापी बेमुदत संपाचा सोमवारी (दि. १६) मध्यरात्रीपासून इशारा दिला होता. या पार्श्वभूमीवर परिवहन मंडळाने प्रवाशांची गैरसोय होऊ नये म्हणून सज्जता केली आहे. तसेच यावेळी कोणताही अनुचित प्रकार घडू नये म्हणून बंदोबस्तासाठी पोलिस अधीक्षकांना पत्र व्यवहार करण्यात आला आहे.
जळगाव बसस्थानकातून सर्व बसेस नियमित प्रमाणे धावतील, असा दावाही जळगावच्या आगारातील अधिकाऱ्यांनी केला आहे. तर दुसरीकडे सोमवारी, मध्यरात्री १२ वाजेपासून बेमुदत संप अटळ असल्याचे सांगत संघटना पदाधिकाऱ्यांनी आंदोलन १०० टक्के यशस्वी होईल, अशी माहिती दिली आहे. मात्र अशावेळी बसने प्रवास करणाऱ्या प्रवाशांची दैना होणार आहे.
एसटी कर्मचाऱ्यांना सेवा ज्येष्ठतेनुसार पदनिहाय सातव्या वेतन आयोगातील वेतनश्रेणीसह सेवा, सवलती, विविध भत्ते यासह विविध प्रलंबित मागण्यांबाबत नेहमीच सरकारकडून आश्वासनांचा पाऊस पाडला जातो. मात्र त्यांच्या मागण्या पूर्ण केल्या जात नाहीत. त्यामुळे या सर्व मागण्या मान्य होईपर्यंत एसटी कामगारांनी बेमुदत संपाचे हत्यार उपसले आहे. सोमवारी (दि. १६) मध्यरात्रीपासून आंदोलनाला सुरुवात करण्यात आली आहे. सोमवारी दिवसभर कर्मचाऱ्यांसह प्रवाशांमध्येही या संपाबाबत चर्चा सुरू होती.
बसस्थानकावर पोलिस बंदोबस्त
एसटी कर्मचाऱ्यांच्या या बेमुदत संपामुळे प्रवाशांची गैरसोय होवू नये म्हणून प्रशासनानेही आपल्याकडून सज्जता केली आहे. त्यासाठी जळगाव आगार व्यवस्थापक प्रज्ञेश वासकर, स्थानकप्रमुख निलिमा बागूल यांनी सोमवारी, दुपारी जिल्हा पेठ पोलिस स्टेशन तसेच शहर पोलिस ठाण्यात बसस्थानकावर पोलिस बंदोबस्तासाठी पत्र दिले आहे. त्यानुसार सोमवारी मध्यरात्रीच नवीन बसस्थानकावर सहा कर्मचारी तर जुन्या बसस्थानकावर सहा कर्मचारी तैनात करण्यात आलेले होते. या आंदोलनात कोणताही अनुचित प्रकार घडू नये म्हणून तसेच रात्री ये-जा करणाऱ्या बसेसला अडथळा निर्माण होऊ नये म्हणून विभाग नियंत्रक चेतना खिरवाडकर यांच्यासह विभागातील अधिकारी रात्रभर बसस्थानकात उपस्थित राहणार असून, परिस्थितीवर नियंत्रण ठेवणार आहेत, अशीही माहिती प्रशासनाकडून देण्यात आली आहे.