ऑगस्टमध्ये रंगणार ‘सूर्योदय’ संमेलन

कादंबरीकार डॉ. विजया वाड करणार उद्घाटन

म. टा. प्रतिनिधी, जळगाव

शहरातील सूर्योदय सर्वसमावेशक मंडळाच्या वतीने मंडळाच्या पंधराव्या वर्धापन दिनानिमित्त श्री दलुभाऊ जैन चॅरिटेबल ट्रस्ट प्रायोजित चौदावे राज्यस्तरीय सूर्योदय मराठी साहित्य संमेलन येत्या ऑगस्टमध्ये जळगावात होत आहे. संमेलनाचे उद्घाटन अखिल भारतीय बालकुमार मराठी साहित्य संमेलनाच्या माजी अध्यक्षा, कादंबरीकार डॉ. विजया वाड यांच्या हस्ते होणार आहे.

डॉ. बाबासाहेब आंबेडकर मराठवाडा विद्यापीठाचे माजी कुलगुरू, अखिल भारतीय मराठी साहित्य संमेलनाचे माजी अध्यक्ष प्रख्यात लेखक प्रा. डॉ. नागनाथ कोत्तापल्ले यांच्या अध्यक्षतेखाली हे संम्मेलन होणार आहे. संमेलनात ‘शब्द झंकार’ सत्राअंतर्गत कविसंमेलन होणार असून, यात कविता वाचन करू इच्छिणाऱ्या कवींनी आपल्या दोन कविता दि. १५ मे २०१८ पर्यंत सतीश जैन अध्यक्ष सूर्योदय सर्वसमावेशक मंडळ, माँ, प्लॉट नं. ३१, गट नं. २२ब शिंदेनगर, पिंप्राळा जळगाव ४२५००२ या पत्त्यावर रजिस्टर टपाल किंवा कुरियरने पाठवण्याचे आवाहन करण्यात आले आहे. संमेलनात प्रवेश विनामूल्य असून, दोन कवितांमधून एक कविता कविसंमेलनासाठी निवडण्यात येणार आहे.