म. टा. प्रतिनिधी, जळगाव
मुख्यमंत्री देवेंद्र फडणवीस यांचा दौरा व आगामी ६ एप्रिलच्या भाजप स्थापना दिनानिमित्त मुंबईत होणाऱ्या कार्यक्रमाच्या पार्श्वभूमीवर जळगावात भाजपकडून फलक लावण्यात आले आहेत. या बॅनरवर शिवसेना उपनेते व सहकार राज्यमंत्री गुलाबराव पाटील यांचाही फोटो असून, तोही आमदार एकनाथ खडसे यांच्याआधी आहे. यामुळे भाजपमधील खडसे समर्थकांनी जिल्हाध्यक्ष उदय वाघ यांचा सोशल मीडियावर जाहीर निषेध केला आहे.
भारतीय जनता पक्ष जिल्हा शाखेकडून लावण्यात आलेल्या बॅनरमध्ये भाजपचे माजी मंत्री आमदार एकनाथ खडसे यांच्या आधी सेनेचे सहकार राज्यमंत्री गुलाबराव पाटील यांचा फोटो लावल्यामुळे खडसे समर्थकांनी नाराजी व्यक्त केली आहे. भाजपचे माजी महानगराध्यक्ष अशोक लाडवंजारी यांनी सोशल मीडियावर याबाबत दिलेल्या संदेशात थेट जिल्हाध्यक्ष उदय वाघ यांच्यावर टीका करीत निषेध व्यक्त केला आहे. जिल्ह्यात भाजपाची ताकद कमी होत आहे, म्हणून शिवसेनेच्या नेत्यांची गरज भासत आहे काय, असा सरळ प्रश्नच त्यांनी उपस्थित केला आहे. या फलकानंतर आता जिल्ह्यात पुन्हा भाजप–सेना युती होते का? असा अंदाज व्यक्त होत आहे.
मुख्यमंत्री देवेंद्र फडणवीस यांचा दौरा व आगामी ६ एप्रिलच्या भाजप स्थापना दिनानिमित्त मुंबईत होणाऱ्या कार्यक्रमाच्या पार्श्वभूमीवर जळगावात भाजपकडून फलक लावण्यात आले आहेत. या बॅनरवर शिवसेना उपनेते व सहकार राज्यमंत्री गुलाबराव पाटील यांचाही फोटो असून, तोही आमदार एकनाथ खडसे यांच्याआधी आहे. यामुळे भाजपमधील खडसे समर्थकांनी जिल्हाध्यक्ष उदय वाघ यांचा सोशल मीडियावर जाहीर निषेध केला आहे.
भारतीय जनता पक्ष जिल्हा शाखेकडून लावण्यात आलेल्या बॅनरमध्ये भाजपचे माजी मंत्री आमदार एकनाथ खडसे यांच्या आधी सेनेचे सहकार राज्यमंत्री गुलाबराव पाटील यांचा फोटो लावल्यामुळे खडसे समर्थकांनी नाराजी व्यक्त केली आहे. भाजपचे माजी महानगराध्यक्ष अशोक लाडवंजारी यांनी सोशल मीडियावर याबाबत दिलेल्या संदेशात थेट जिल्हाध्यक्ष उदय वाघ यांच्यावर टीका करीत निषेध व्यक्त केला आहे. जिल्ह्यात भाजपाची ताकद कमी होत आहे, म्हणून शिवसेनेच्या नेत्यांची गरज भासत आहे काय, असा सरळ प्रश्नच त्यांनी उपस्थित केला आहे. या फलकानंतर आता जिल्ह्यात पुन्हा भाजप–सेना युती होते का? असा अंदाज व्यक्त होत आहे.