वृत्तपत्र विक्रेत्यांचे मंगळवारी धरणे आंदोलन

म. टा. प्रतिनिधी, जळगाव

राज्यातील वृत्तपत्र विक्रेत्यांच्या प्रलंबित मागण्यांकडे सरकारचे लक्ष वेधण्यासाठी दि. २५ सप्टेंबर रोजी राज्यातील सर्व जिल्हाधिकारी कार्यालयासमोर धरणे आंदोलन करण्यात येणार आहे.

कामगार मंत्री संभाजी पाटील-निलंगेकर यांनी वृत्तपत्र विक्रेत्यांसाठी कल्याणकारी मंडळाच्या नोंदणीस सुरुवात करण्याचे आश्वासन दिले होते. मात्र, अद्याप या कामास सुरुवात झालेली नाही. या नोंदणीस तत्काळ सुरुवात करावी यासह विविध प्रलंबित मागण्यांकडे लक्ष वेधण्यासाठी हे आंदोलन करण्यात येणार आहे, असे वृत्तपत्र विक्रेता संघटनेने सांगितले आहे. या आंदोलनात सहभागी व्हावे, असे आवाहन वृत्तपत्र विक्रेता संघटनेचे अध्यक्ष हरीषचंद्र पवार, कार्याध्यक्ष सुनील पाटणकर, बालाजी पवार, गोरख भिल्लारे, विकास सूर्यवंशी, दिनेश उके, नरहरी आवटी, अण्णासाहेब जगताप, गोपाल चौधरी, ज्ञानेश्‍वर धुमाळ, श्रीराम खत्री, संजय कापसे, विनोद पन्नासे, अंबादास वाकुळे, रघुनाथ कांबळे, रवींद्र कुळकर्णी, मनोज खांबे, ललित अग्रवाल, शिवगोंडा खोत, भाऊ सूर्यवंशी, अशोक डहाळे, हेमंत खडके, अनिल पाटील, भालचंद्र वाणी, तुषार चौधरी, हरिष चौधरी, महेश सोनार यांनी केले आहे.