शिक्षक, अधिकारी व कर्मचाऱ्यांचा लाक्षणिक संप
म. टा. प्रतिनिधी, जळगाव
कवयित्री बहिणाबाई चौधरी उत्तर महाराष्ट्र विद्यापीठमधील शिक्षकेत्तर कर्मचारी व अधिकारी संघटना, उत्तर महाराष्ट्र मागासवर्गीय संघटना, व महाराष्ट्र युनिव्हर्सिटीज ऑफिसर्स फोरम या संघटनेतर्फे शनिवारी (दि. २९) लाक्षणिक संप पुकारण्यात आला होता. महाराष्ट्र विद्यापीठ महासंघाच्या निर्देशान्वये विद्यापीठीय शिक्षकेत्तर कर्मचाऱ्यांना सातव्या वेतन आयोग लागू करण्यासह अन्य तातडीच्या मागण्या मंजूर करण्यासाठी या संपात सर्व कर्मचारी सहभागी झाले होते. या संपामुळे विद्यापीठाचे पूर्ण कामकाज ठप्प झाले होते.
गेल्या २६ दिवसांपासून राज्यातील अकृषि विद्यापीठांमध्ये या मागण्यासांठी आंदोलन सुरू आहे. यात निवेदन देणे, काळ्या फिती लावणे, दररोज मध्यंतरात निदर्शने, विभागीय सहसंचालक, उच्च शिक्षण कार्यालयावर मोर्चा नेणे त्यानंतर संचालक, उच्च शिक्षण विभाग, पुणे यांच्या कार्यालयावर मोर्चा नेणे या टप्प्यांद्वारे आंदोलन करण्यात आले असून, पुढचा टप्पा म्हणून शनिवारी (दि. २९) विद्यापीठातील सर्व कर्मचारी-अधिकारी एक दिवसाच्या लाक्षणिक संपावर होते.
कंत्राटी कर्मचाऱ्यांचाही पाठिंबा
कवयित्री बहिणाबाई चौधरी उत्तर महाराष्ट्र विद्यापीठातील जवळपास ४५० अधिकारी-कर्मचारी या लाक्षणिक संपात सहभागी झाल्यामुळे विद्यापीठाचे सर्व प्रशासकीय काम ठप्प झाले होते. सकाळी १० वाजता प्रशासकीय इमारतीसमोर सर्व कर्मचारी-अधिकारी एकत्र आले. सातवा वेतन आयोग मिळालाच पाहिजे, सेवाअंतर्गत आश्वासित प्रगती योजना सुरू झालीच पाहिजे, ३० टक्के पद कपातीचे धोरण रद्द झालेच पाहिजे, रिक्तपदे भरण्यास तत्काळ मान्यता मिळालीच पाहिजे आदी घोषणांनी विद्यापीठाचा परिसर दणाणून गेला. या आंदोलनाला विद्यापीठातील रोजंदारी व कंत्राटी कर्मचाऱ्यांनीदेखील पाठिंबा दिला आहे.
दुपारी आंदोलनाच्या ठिकाणी प्र-कुलगुरू प्रा. पी. पी. माहुलीकर व व्यवस्थापन परिषद सदस्य प्रा. नितीन बारी यांनी आंदोलकांची भेट घेऊन या मागण्यांना पाठिंबा दर्शविला. प्रा. माहुलीकर यांनी मागण्यांसंदर्भातील निवेदन शासनास सादर करण्याबाबत आश्वासित केले. तर प्रा. बारी यांनी एन-मुक्ता व राज्य शिक्षक महासंघाच्यावतीने आंदोलनास पाठिंबा दिला. या वेळी उमवि एन-मुक्टो संघटनेचे अध्यक्ष डॉ. किशोर पवार यांनी संघटना आपल्या पाठिशी असून, आंदोलनास आमच्या संघटनेचा सक्रिय पाठिंबा असल्याचे जाहीर केले.
म. टा. प्रतिनिधी, जळगाव
कवयित्री बहिणाबाई चौधरी उत्तर महाराष्ट्र विद्यापीठमधील शिक्षकेत्तर कर्मचारी व अधिकारी संघटना, उत्तर महाराष्ट्र मागासवर्गीय संघटना, व महाराष्ट्र युनिव्हर्सिटीज ऑफिसर्स फोरम या संघटनेतर्फे शनिवारी (दि. २९) लाक्षणिक संप पुकारण्यात आला होता. महाराष्ट्र विद्यापीठ महासंघाच्या निर्देशान्वये विद्यापीठीय शिक्षकेत्तर कर्मचाऱ्यांना सातव्या वेतन आयोग लागू करण्यासह अन्य तातडीच्या मागण्या मंजूर करण्यासाठी या संपात सर्व कर्मचारी सहभागी झाले होते. या संपामुळे विद्यापीठाचे पूर्ण कामकाज ठप्प झाले होते.
गेल्या २६ दिवसांपासून राज्यातील अकृषि विद्यापीठांमध्ये या मागण्यासांठी आंदोलन सुरू आहे. यात निवेदन देणे, काळ्या फिती लावणे, दररोज मध्यंतरात निदर्शने, विभागीय सहसंचालक, उच्च शिक्षण कार्यालयावर मोर्चा नेणे त्यानंतर संचालक, उच्च शिक्षण विभाग, पुणे यांच्या कार्यालयावर मोर्चा नेणे या टप्प्यांद्वारे आंदोलन करण्यात आले असून, पुढचा टप्पा म्हणून शनिवारी (दि. २९) विद्यापीठातील सर्व कर्मचारी-अधिकारी एक दिवसाच्या लाक्षणिक संपावर होते.
कंत्राटी कर्मचाऱ्यांचाही पाठिंबा
कवयित्री बहिणाबाई चौधरी उत्तर महाराष्ट्र विद्यापीठातील जवळपास ४५० अधिकारी-कर्मचारी या लाक्षणिक संपात सहभागी झाल्यामुळे विद्यापीठाचे सर्व प्रशासकीय काम ठप्प झाले होते. सकाळी १० वाजता प्रशासकीय इमारतीसमोर सर्व कर्मचारी-अधिकारी एकत्र आले. सातवा वेतन आयोग मिळालाच पाहिजे, सेवाअंतर्गत आश्वासित प्रगती योजना सुरू झालीच पाहिजे, ३० टक्के पद कपातीचे धोरण रद्द झालेच पाहिजे, रिक्तपदे भरण्यास तत्काळ मान्यता मिळालीच पाहिजे आदी घोषणांनी विद्यापीठाचा परिसर दणाणून गेला. या आंदोलनाला विद्यापीठातील रोजंदारी व कंत्राटी कर्मचाऱ्यांनीदेखील पाठिंबा दिला आहे.
दुपारी आंदोलनाच्या ठिकाणी प्र-कुलगुरू प्रा. पी. पी. माहुलीकर व व्यवस्थापन परिषद सदस्य प्रा. नितीन बारी यांनी आंदोलकांची भेट घेऊन या मागण्यांना पाठिंबा दर्शविला. प्रा. माहुलीकर यांनी मागण्यांसंदर्भातील निवेदन शासनास सादर करण्याबाबत आश्वासित केले. तर प्रा. बारी यांनी एन-मुक्ता व राज्य शिक्षक महासंघाच्यावतीने आंदोलनास पाठिंबा दिला. या वेळी उमवि एन-मुक्टो संघटनेचे अध्यक्ष डॉ. किशोर पवार यांनी संघटना आपल्या पाठिशी असून, आंदोलनास आमच्या संघटनेचा सक्रिय पाठिंबा असल्याचे जाहीर केले.