म. टा. प्रतिनिधी, जळगाव
जळगाव वनपरिक्षेत्रातंर्गत जळगाव शहरालगतच्या खोटेनगर परिसरात वाटीका आश्रमाजवळील गौरव पार्क येथे आढळलेला वन्यप्राणी हा बिबट्या नसल्याने नागरिकांनी घाबरून जाण्याचे कारण नाही. तसेच नागरिकांनी कुठल्याही अफवांवर विश्वास ठेवू नये, असे आवाहन जळगाव वनविभागाचे उपवनसंरक्षक दिगंबर पगार यांनी केले आहे.
शहरालगतच्या खोटेनगर परिसरात वाटिका आश्रमाजवळील गौरव पार्क येथे ४ मे, २०१९ रोजी दुपारी ३.३० वाजता बिबटा दिसल्याचे अनिल शिवाजी भोसले यांनी दूरध्वनीद्वारे कळविले होते. त्यानुसार उपवनसंरक्षक डी. डब्ल्यु. पगार यांच्या मार्गदर्शनाखाली वनविभागातील अधिकारी व कर्मचारी तसेच वन्यजीव अभ्यासक विवेक देसाई यांनी संपूर्ण परिसराची पाहणी केली तसेच ज्या व्यक्तीने प्रत्यक्ष वन्यप्राणी पहिला त्यांच्यासोबत चर्चा केली असता त्यांनी पाहिलेल्या वन्यप्राणी व पाहणीअंती आढळून आलेल्या प्राण्याच्या पाऊलखुणा या बिबट्याच्या नसून कुत्रावर्गीय प्राण्याच्या असल्याचे दिसून आले आहे. त्याचबरोबर त्याठिकाणी ५ मे, २०१९ पासून ट्रॅप कॅमेरेही लावण्यात आलेले आहे. परंतु, आजपावेतो सदर ट्रॅप कॅमेऱ्यात कोणताही प्राणी दिसून आलेला नाही. त्याचबरोबर या परिसरात क्षेत्रीय कर्मचारी यांना गस्ती करण्याबाबतच्या सूचना निर्गमित करण्यात आलेल्या आहेत. या परिसरात एखादा प्राणी दिसल्यास वनपरिक्षेत्र अधिकारी कार्यालयाशी संपर्क साधण्याचे आवाहन उपवनसंरक्षक डिगंबर पवार यांनी केले आहे.
जळगाव वनपरिक्षेत्रातंर्गत जळगाव शहरालगतच्या खोटेनगर परिसरात वाटीका आश्रमाजवळील गौरव पार्क येथे आढळलेला वन्यप्राणी हा बिबट्या नसल्याने नागरिकांनी घाबरून जाण्याचे कारण नाही. तसेच नागरिकांनी कुठल्याही अफवांवर विश्वास ठेवू नये, असे आवाहन जळगाव वनविभागाचे उपवनसंरक्षक दिगंबर पगार यांनी केले आहे.
शहरालगतच्या खोटेनगर परिसरात वाटिका आश्रमाजवळील गौरव पार्क येथे ४ मे, २०१९ रोजी दुपारी ३.३० वाजता बिबटा दिसल्याचे अनिल शिवाजी भोसले यांनी दूरध्वनीद्वारे कळविले होते. त्यानुसार उपवनसंरक्षक डी. डब्ल्यु. पगार यांच्या मार्गदर्शनाखाली वनविभागातील अधिकारी व कर्मचारी तसेच वन्यजीव अभ्यासक विवेक देसाई यांनी संपूर्ण परिसराची पाहणी केली तसेच ज्या व्यक्तीने प्रत्यक्ष वन्यप्राणी पहिला त्यांच्यासोबत चर्चा केली असता त्यांनी पाहिलेल्या वन्यप्राणी व पाहणीअंती आढळून आलेल्या प्राण्याच्या पाऊलखुणा या बिबट्याच्या नसून कुत्रावर्गीय प्राण्याच्या असल्याचे दिसून आले आहे. त्याचबरोबर त्याठिकाणी ५ मे, २०१९ पासून ट्रॅप कॅमेरेही लावण्यात आलेले आहे. परंतु, आजपावेतो सदर ट्रॅप कॅमेऱ्यात कोणताही प्राणी दिसून आलेला नाही. त्याचबरोबर या परिसरात क्षेत्रीय कर्मचारी यांना गस्ती करण्याबाबतच्या सूचना निर्गमित करण्यात आलेल्या आहेत. या परिसरात एखादा प्राणी दिसल्यास वनपरिक्षेत्र अधिकारी कार्यालयाशी संपर्क साधण्याचे आवाहन उपवनसंरक्षक डिगंबर पवार यांनी केले आहे.