तीन घटनेत साडेतीन लाखाचा ऐवज लंपास
म. टा. वृत्तसेवा, चाळीसगाव
तालुक्यात तीन ठिकाणी घडलेल्या वेगवेगळया घटनांमध्ये रविवारी (दि. ११) रात्रीतून चोरट्यांनी सोन्याचे दागिन्यांसह रोख रक्कम असा साडेतीन लाखांचा ऐवज लंपास केला आहे. धुळे येथील शिवप्रताप कॉलनीतील रहिवासी धनराज राघो पाटील हे पत्नी व स्नुषा पल्लवी पाटील हे येथे विवाह समारंभासाठी विराम लॉन्स येथे रविवारी मुक्कामी आले होते. लॉन्समधील रूम क्र. ११० मध्ये त्यांनी आपला सामान ठेवलेला होता. लग्न समारंभ आटोपून दुपारी ते परत आपल्या रूममध्ये आले असता त्यांना आपल्या पर्सची चैन उघडी दिसली. तपासणी केल्यानंतर त्यांच्या पर्समधील दोन लाख ९७ हजार रुपये किमतीच्या १४ सोन्याच्या अंगठ्या चोरीस गेल्याचे लक्षात आले.
उघड्या घरात चोरी
हिंगोणे खुर्द येथे उघड्या घरात शिरून तीन चोरट्यांनी २० हजारांची रोकड व एक मोबाइल लंपास केला. रविवारी (दि. ११) रात्री २ वाजेच्या सुमारास ही घटना घडली. याप्रकरणी संदीप निंबा चव्हाण यांच्या फिर्यादीवरून अज्ञात चोरट्यांविरोधात गुन्हा नोंदविण्यात आला आहे. तिसऱ्या घटनेत शहरातील अंधशाळेजवळच्या कॉर्नरवरील पान दुकान चोरट्यांनी फोडले. तेथून सोहा हजारांचे सिगारेटचे बॉक्स लंपास केले. या तिन्हीही घटनानंतर नागरिकांमध्ये भीती निर्माण झाली असून, शहरात सातत्याने चोरीच्या घटना घडत असल्याने पोलिस कारवाईबाबत प्रश्नचिन्ह निर्माण झालेले आहे.
म. टा. वृत्तसेवा, चाळीसगाव
तालुक्यात तीन ठिकाणी घडलेल्या वेगवेगळया घटनांमध्ये रविवारी (दि. ११) रात्रीतून चोरट्यांनी सोन्याचे दागिन्यांसह रोख रक्कम असा साडेतीन लाखांचा ऐवज लंपास केला आहे. धुळे येथील शिवप्रताप कॉलनीतील रहिवासी धनराज राघो पाटील हे पत्नी व स्नुषा पल्लवी पाटील हे येथे विवाह समारंभासाठी विराम लॉन्स येथे रविवारी मुक्कामी आले होते. लॉन्समधील रूम क्र. ११० मध्ये त्यांनी आपला सामान ठेवलेला होता. लग्न समारंभ आटोपून दुपारी ते परत आपल्या रूममध्ये आले असता त्यांना आपल्या पर्सची चैन उघडी दिसली. तपासणी केल्यानंतर त्यांच्या पर्समधील दोन लाख ९७ हजार रुपये किमतीच्या १४ सोन्याच्या अंगठ्या चोरीस गेल्याचे लक्षात आले.
उघड्या घरात चोरी
हिंगोणे खुर्द येथे उघड्या घरात शिरून तीन चोरट्यांनी २० हजारांची रोकड व एक मोबाइल लंपास केला. रविवारी (दि. ११) रात्री २ वाजेच्या सुमारास ही घटना घडली. याप्रकरणी संदीप निंबा चव्हाण यांच्या फिर्यादीवरून अज्ञात चोरट्यांविरोधात गुन्हा नोंदविण्यात आला आहे. तिसऱ्या घटनेत शहरातील अंधशाळेजवळच्या कॉर्नरवरील पान दुकान चोरट्यांनी फोडले. तेथून सोहा हजारांचे सिगारेटचे बॉक्स लंपास केले. या तिन्हीही घटनानंतर नागरिकांमध्ये भीती निर्माण झाली असून, शहरात सातत्याने चोरीच्या घटना घडत असल्याने पोलिस कारवाईबाबत प्रश्नचिन्ह निर्माण झालेले आहे.