एडीटीपी धामणे पंधरा दिवसांपासून रजेवर
म. टा. प्रतिनिधी, जळगाव
महापालिकेचे सहाय्यक नगररचनाकार अनंत धामणे गेल्या काही दिवसांपासून रजेवर असल्याने गेल्या पंधरा दिवसांपासून नगररचना विभागाचे अक्षरश: ठप्प झाले आहे. परवानगीसाठी येणाऱ्या फायली केवळ इनवर्ड होत असून, ऑनलाइनसाठीच्या देखील फायली पडून आहेत. सुमारे ५० ते ६० फायली कार्यवाहीसाठी प्रलंबित आहेत. यामुळे बांधकाम संबंधित कामांसाठी जळगावकरांची फिरफिर होत आहे.
महापालिकेचा नगररचना विभागा गैरव्यवहाराच्या आरोपांमुळे गेल्या काही वर्षभरापासून चर्चेत आहे. गेल्या सहा महिन्यांत झालेल्या महासभांमध्ये भूसंपादनाच्या प्रकरणांमुळे नगररचना विभाग आणखीनच चर्चेत आला होता. भूसंपादनांच्या प्रकरणात मोठा गैरव्यवहार झाल्याचा आरोप या महासभांमध्ये करण्यात आला होता. एकीकडे भूसंपादनाच्या प्रस्तावांची घाई करणाऱ्या नगररचना विभागाकडे बांधकामाच्या विविध परवानग्यांसाठी येणाऱ्या फायली पडून राहत असल्याने आश्चर्य व्यक्त करण्यात येत आहे.
ऑनलाइनच्या फायली प्रलंबित
महापालिकेतील सहाय्यक नगररचनाकार अनंत धामणे हे १ मेपासून रजेवर गेले आहेत. त्यांचा पदभार कुणाकडेही दिला नसल्याने गेल्या १४ दिवसांपासून नगररचना विभागात येणारी बांधकाम परवानगी, भोगवटा प्रमाणपत्रे यासह इतर परवानग्यांसाठी येणारी प्रकरणे प्रलंबित आहेत. महापालिकेत नगररचना विभागाचे कामकाज ऑनलाइन करण्यात आले असले तरी मुख्य मंजुरीसाठी सहाय्यक रचनाकरांची स्वाक्षरी लागत असल्याने नगररचनाचे कामच ठप्प झाले आहे. धामणे यांचा पदभार कुणाकडे दिला नसल्याने कुठलेच काम होत नसल्याने नागरिकांमधून संताप व्यक्त होत आहे.
नागरिक-अभियंत्यांची जुगलबंदी
नगररचना विभागातील बाधकाम व्यावसायिकांच्या बांधकाम परवानग्यांच्या फायलीसंह असंख्य सामान्य जळगावकरांच्या वैयक्तिक बांधकामाच्या फायलीदेखील रखडल्याने संबधित नागरिक हैराण झाले आहेत. भोगवटा प्रमाणपत्रांच्यादेखील फायली तशाच पडून आहेत. दररोज आशेने येणाऱ्या नागरिकांना अभियंत्याशी हुज्जत घालून घरी परतावे लागत आहे. फायलींवर सह्याच होत नसल्याने अभियंत्यांना दररोज फायलींसाठी येणाऱ्या नागरिकांच्या संतापाला सामोरे जावे लागत असल्याने तेही वैतागले आहे. यामुळे नगररचनाच्या कार्यालयात केवळ नागरिक आणि अभियंत्यांची जुगलबंदी पाहायला मिळत आहे.
म. टा. प्रतिनिधी, जळगाव
महापालिकेचे सहाय्यक नगररचनाकार अनंत धामणे गेल्या काही दिवसांपासून रजेवर असल्याने गेल्या पंधरा दिवसांपासून नगररचना विभागाचे अक्षरश: ठप्प झाले आहे. परवानगीसाठी येणाऱ्या फायली केवळ इनवर्ड होत असून, ऑनलाइनसाठीच्या देखील फायली पडून आहेत. सुमारे ५० ते ६० फायली कार्यवाहीसाठी प्रलंबित आहेत. यामुळे बांधकाम संबंधित कामांसाठी जळगावकरांची फिरफिर होत आहे.
महापालिकेचा नगररचना विभागा गैरव्यवहाराच्या आरोपांमुळे गेल्या काही वर्षभरापासून चर्चेत आहे. गेल्या सहा महिन्यांत झालेल्या महासभांमध्ये भूसंपादनाच्या प्रकरणांमुळे नगररचना विभाग आणखीनच चर्चेत आला होता. भूसंपादनांच्या प्रकरणात मोठा गैरव्यवहार झाल्याचा आरोप या महासभांमध्ये करण्यात आला होता. एकीकडे भूसंपादनाच्या प्रस्तावांची घाई करणाऱ्या नगररचना विभागाकडे बांधकामाच्या विविध परवानग्यांसाठी येणाऱ्या फायली पडून राहत असल्याने आश्चर्य व्यक्त करण्यात येत आहे.
ऑनलाइनच्या फायली प्रलंबित
महापालिकेतील सहाय्यक नगररचनाकार अनंत धामणे हे १ मेपासून रजेवर गेले आहेत. त्यांचा पदभार कुणाकडेही दिला नसल्याने गेल्या १४ दिवसांपासून नगररचना विभागात येणारी बांधकाम परवानगी, भोगवटा प्रमाणपत्रे यासह इतर परवानग्यांसाठी येणारी प्रकरणे प्रलंबित आहेत. महापालिकेत नगररचना विभागाचे कामकाज ऑनलाइन करण्यात आले असले तरी मुख्य मंजुरीसाठी सहाय्यक रचनाकरांची स्वाक्षरी लागत असल्याने नगररचनाचे कामच ठप्प झाले आहे. धामणे यांचा पदभार कुणाकडे दिला नसल्याने कुठलेच काम होत नसल्याने नागरिकांमधून संताप व्यक्त होत आहे.
नागरिक-अभियंत्यांची जुगलबंदी
नगररचना विभागातील बाधकाम व्यावसायिकांच्या बांधकाम परवानग्यांच्या फायलीसंह असंख्य सामान्य जळगावकरांच्या वैयक्तिक बांधकामाच्या फायलीदेखील रखडल्याने संबधित नागरिक हैराण झाले आहेत. भोगवटा प्रमाणपत्रांच्यादेखील फायली तशाच पडून आहेत. दररोज आशेने येणाऱ्या नागरिकांना अभियंत्याशी हुज्जत घालून घरी परतावे लागत आहे. फायलींवर सह्याच होत नसल्याने अभियंत्यांना दररोज फायलींसाठी येणाऱ्या नागरिकांच्या संतापाला सामोरे जावे लागत असल्याने तेही वैतागले आहे. यामुळे नगररचनाच्या कार्यालयात केवळ नागरिक आणि अभियंत्यांची जुगलबंदी पाहायला मिळत आहे.