वाळू उपसादरम्यान गिरणा पात्रातील घटना
म. टा. प्रतिनिधी, जळगाव
गिरणानदी पात्रात वाळू भरण्यासाठी गेलेले ट्रॅक्टर पात्रातील खड्ड्यात उलटल्याने ट्रॅक्टरखाली येवून त्यावरील चालकाचा मृत्यू झाला. गुरुवारी (दि. १०) पहाटे तीन वाजेच्या सुमारास वैजनाथ गिरणा नदी पात्रात हा अपघात घडला. काशीनाथ रामकृष्ण अस्वार (बारी) (वय ३५, रा. हरिविठ्ठल नगर) असे मृत चालकाचे नाव आहे.
जळगाव तालुक्यातील वैजनाथ येथील नदीपात्रात वाळू उपसाचे काम सुरू होते. यासाठी हरिविठ्ठल नगरातील रहिवासी काशीनाथ अस्वार हा तरुण गुरुवारी पहाटे तीन वाजता ट्रॅक्टर (एमएच. १९ एपी. ६८८६) घेऊन वाळू घ्यायला गेला होता. त्याच्यासोबत आणखी दोन ते तीन तरुण मजूर होते. नदीपात्रात अरुंद रस्ता व किनार असल्याने नियंत्रण मिळविता न आल्याने ट्रॅक्टर ट्रॉलीसह किनाऱ्यावरून खोल खड्ड्यात उलटले. त्यात चालक काशीनाथ हा समोरील ट्रॅक्टरच्या चाकाखाली दाबला जावून त्याचा जागीच मृत्यू झाला.
या घटनेची माहिती मिळताच काहीवेळाने घटनास्थळी पोलिस पोहचले. त्यांनीच रुग्णवाहिका बोलावून तेथून मृतदेह जिल्हा रुग्णालयात हलविला. काशीनाथ यांच्या पश्चात आई, पत्नी व दोन मुले असा परिवार आहे. नातेवाइकांनी जिल्हा रुग्णालयात आक्रोश केला होता. तालुका पोलिसात आकस्मिक मृत्यूची नोंद करण्यात आली असून, पुढील तपास मगन मराठे करीत आहेत.
अवैध वाळू वाहतुकीचा बळी
जळगाव जिल्ह्यातील कुठल्याही वाळू गटाचे लिलाव करण्यात आलेले नाही. तरीदेखील जिल्ह्यात वाळू उपसाचे प्रकार सर्रास सुरू आहेत. त्याचा प्रत्यय या घटनेतून येत असून, मध्यरात्री व पहाटे गिरणापात्रातून मोठ्या प्रमाणात वाळू उपसा केला जात आहे. अशा अवैध वाळू उपसाचा प्रशासनाने बंदोबस्त करायला हवा, अशी मागणी केली जात आहे. वाळू उपसाचा हा नाहक बळी असल्याची चर्चाही परिसरात सुरू होती.
म. टा. प्रतिनिधी, जळगाव
गिरणानदी पात्रात वाळू भरण्यासाठी गेलेले ट्रॅक्टर पात्रातील खड्ड्यात उलटल्याने ट्रॅक्टरखाली येवून त्यावरील चालकाचा मृत्यू झाला. गुरुवारी (दि. १०) पहाटे तीन वाजेच्या सुमारास वैजनाथ गिरणा नदी पात्रात हा अपघात घडला. काशीनाथ रामकृष्ण अस्वार (बारी) (वय ३५, रा. हरिविठ्ठल नगर) असे मृत चालकाचे नाव आहे.
जळगाव तालुक्यातील वैजनाथ येथील नदीपात्रात वाळू उपसाचे काम सुरू होते. यासाठी हरिविठ्ठल नगरातील रहिवासी काशीनाथ अस्वार हा तरुण गुरुवारी पहाटे तीन वाजता ट्रॅक्टर (एमएच. १९ एपी. ६८८६) घेऊन वाळू घ्यायला गेला होता. त्याच्यासोबत आणखी दोन ते तीन तरुण मजूर होते. नदीपात्रात अरुंद रस्ता व किनार असल्याने नियंत्रण मिळविता न आल्याने ट्रॅक्टर ट्रॉलीसह किनाऱ्यावरून खोल खड्ड्यात उलटले. त्यात चालक काशीनाथ हा समोरील ट्रॅक्टरच्या चाकाखाली दाबला जावून त्याचा जागीच मृत्यू झाला.
या घटनेची माहिती मिळताच काहीवेळाने घटनास्थळी पोलिस पोहचले. त्यांनीच रुग्णवाहिका बोलावून तेथून मृतदेह जिल्हा रुग्णालयात हलविला. काशीनाथ यांच्या पश्चात आई, पत्नी व दोन मुले असा परिवार आहे. नातेवाइकांनी जिल्हा रुग्णालयात आक्रोश केला होता. तालुका पोलिसात आकस्मिक मृत्यूची नोंद करण्यात आली असून, पुढील तपास मगन मराठे करीत आहेत.
अवैध वाळू वाहतुकीचा बळी
जळगाव जिल्ह्यातील कुठल्याही वाळू गटाचे लिलाव करण्यात आलेले नाही. तरीदेखील जिल्ह्यात वाळू उपसाचे प्रकार सर्रास सुरू आहेत. त्याचा प्रत्यय या घटनेतून येत असून, मध्यरात्री व पहाटे गिरणापात्रातून मोठ्या प्रमाणात वाळू उपसा केला जात आहे. अशा अवैध वाळू उपसाचा प्रशासनाने बंदोबस्त करायला हवा, अशी मागणी केली जात आहे. वाळू उपसाचा हा नाहक बळी असल्याची चर्चाही परिसरात सुरू होती.