लाचखोर अधिकाऱ्याला दोन दिवसांची कोठडी

म. टा. प्रतिनिधी, जळगाव

कारागृह अधीक्षक दिलीपसिंग तेजसिंग डाबेराव, कारागृह शिपाई बापू नामदेव आमले यांना शनिवारी (दि. ६) अतिरिक्त सत्र न्यायाधीश के. पी. नांदेडकर यांच्या न्यायालयात हजर केले असता त्यांनी दोन दिवसांची पोलिस कोठडी सुनावली आहे.

प्राणघातक हल्ल्याच्या गुन्ह्यात न्यायालयीन कोठडीत असलेल्या संशयित आरोपीला जिल्हा सामान्य रुग्णालयात दाखल करण्यासाठी कारागृह अधीक्षकांनी दोन हजारांची लाच घेतली होती. याप्रकरणी एसीबीचे डीवायएपी पराग सोनवणे यांच्या पथकाने शुक्रवारी (दि. ५) सकाळी ८ वाजता सापळा रचून दोघांना रंगेहाथ अटक केली होती. त्यांना शनिवारी न्यायाधीश नांदेडकर यांच्या न्यायालयात हजर केले असता त्यांनी दोन दिवसांची पोलिस कोठडी सुनावण्यात आली आहे.