दोघांची गळफास घेऊन आत्महत्या

र-भावजयची आत्महत्या

म. टा. प्रतिनिधी, जळगाव

चोपडा तालुक्यातील बोरअजंटी येथील दीर-भावजय असलेल्या दोघांनी लिंबाच्या झाडाला एकाच दोराने गळफास घेऊन आत्महत्या केली. ही घटना मंगळवारी (दि. २७) पहाटे निदर्शनास आली. आत्महत्येपूर्वी लिहून ठेवलेल्या चिठ्ठीतून त्यांच्या अनैतिक संबंधाचा उलगडा झाला.

सातपुडा पर्वत रांगांच्या पायथ्याशी असलेल्या बोरअजंटी गावातील रहिवासी शिवदास भिका कोळी (वय २८, मोठे दीर) व त्याच्या लहान भावाची पत्नी भारती रोहिदास कोळी (वय १९, भावजय) यांचे अनैतिक संबंध होते. त्यांनी मंगळवारी पहाटेच्या सुमारास गावाबाहेरील वनविभागाच्या हद्दीजवळील त्यांच्या शेतातील लिंबाच्या झाडाला दोर बांधून गळफास घेऊन आत्महत्या केली.

पोलिसांना पंचनामा करताना दोन-तीन चिठ्ठ्या शिवदासच्या खिशात आढळल्या. त्यातील एका चिठ्ठीत आम्ही एकमेकांशिवाय राहू शकत नाही, म्हणून आत्महत्या करीत आहेत. यास कुणालाही जबाबदार धरू नये, असे म्हटले आहे.