म. टा. प्रतिनिधी, जळगाव
जिल्हा कारागृहातील बंद्यांना शुद्ध पिण्याचे पाणी उपलब्ध व्हावे तसेच त्यांना वाचनाची आवड निर्माण व्हावी यासाठी जिल्हा वार्षिक योजनेतून दोन वॉटर प्युरिफायर व ५०० पुस्तके देण्यात येतील. यासाठी आवश्यक तो प्रस्ताव तातडीने सादर करण्याचे निर्देश जिल्हाधिकारी किशोर राजे निंबाळकर यांनी जिल्हा कारागृह प्रशासनास दिले.
जिल्हा कारागृह अभिविक्षक मंडळाची तिमाही सभा येथील कारागृहात जिल्हाधिकारी निंबाळकर यांच्या अध्यक्षतेखाली झाली. या बैठकीस जिल्हा विधी सेवा प्राधिकरणाचे सचिव के. एच. ठोंबरे, जिल्हा शल्य चिकित्सक डॉ. एन. एस. चव्हाण, उपविभागीय पोलिस अधिकारी रशीद तडवी, कारागृह अधीक्षक सुनील कुंवर, अॅड. विजय दर्जी यांच्यासह विविध विभागांचे अधिकारी उपस्थित होते. कारागृहातील बंद्यांना देण्यात येणारे जेवणे चांगल्या पद्धतीचे असावे. त्यांना आवश्यक त्या आरोग्य सुविधा उपलब्ध करून देण्यात याव्या. कारागृहाची तसेच कारागृहातील अधिकारी, कर्मचारी यांच्या निवासस्थानांची दुरुस्ती याबाबतही बैठकीत चर्चा करण्यात आली.
वैद्यकीय अधिकाऱ्यांनी दररोज कारागृहास भेट देऊन बंद्यांची तपासणी करावी. तसेच महिला बंदीची संख्या लक्षात घेता दर आठवड्याला महिला वैद्यकीय अधिकाऱ्यांने कारागृहास भेट देऊन तपासणी करण्याच्या सूचना जिल्हा दंडाधिकारी यांनी जिल्हा शल्य चिकित्सक यांना दिल्या. त्याचबरोबर बंद्यांना देण्यात येणारे जेवण हे उत्कृष्ट प्रतीचे असावे. समिती सदस्यांनी महिन्यातून एकदा कारागृहास भेट देऊन जेवणाचा दर्जा तपासण्याचे आवाहन त्यांनी केले.
जिल्हा कारागृहातील बंद्यांना शुद्ध पिण्याचे पाणी उपलब्ध व्हावे तसेच त्यांना वाचनाची आवड निर्माण व्हावी यासाठी जिल्हा वार्षिक योजनेतून दोन वॉटर प्युरिफायर व ५०० पुस्तके देण्यात येतील. यासाठी आवश्यक तो प्रस्ताव तातडीने सादर करण्याचे निर्देश जिल्हाधिकारी किशोर राजे निंबाळकर यांनी जिल्हा कारागृह प्रशासनास दिले.
जिल्हा कारागृह अभिविक्षक मंडळाची तिमाही सभा येथील कारागृहात जिल्हाधिकारी निंबाळकर यांच्या अध्यक्षतेखाली झाली. या बैठकीस जिल्हा विधी सेवा प्राधिकरणाचे सचिव के. एच. ठोंबरे, जिल्हा शल्य चिकित्सक डॉ. एन. एस. चव्हाण, उपविभागीय पोलिस अधिकारी रशीद तडवी, कारागृह अधीक्षक सुनील कुंवर, अॅड. विजय दर्जी यांच्यासह विविध विभागांचे अधिकारी उपस्थित होते. कारागृहातील बंद्यांना देण्यात येणारे जेवणे चांगल्या पद्धतीचे असावे. त्यांना आवश्यक त्या आरोग्य सुविधा उपलब्ध करून देण्यात याव्या. कारागृहाची तसेच कारागृहातील अधिकारी, कर्मचारी यांच्या निवासस्थानांची दुरुस्ती याबाबतही बैठकीत चर्चा करण्यात आली.
वैद्यकीय अधिकाऱ्यांनी दररोज कारागृहास भेट देऊन बंद्यांची तपासणी करावी. तसेच महिला बंदीची संख्या लक्षात घेता दर आठवड्याला महिला वैद्यकीय अधिकाऱ्यांने कारागृहास भेट देऊन तपासणी करण्याच्या सूचना जिल्हा दंडाधिकारी यांनी जिल्हा शल्य चिकित्सक यांना दिल्या. त्याचबरोबर बंद्यांना देण्यात येणारे जेवण हे उत्कृष्ट प्रतीचे असावे. समिती सदस्यांनी महिन्यातून एकदा कारागृहास भेट देऊन जेवणाचा दर्जा तपासण्याचे आवाहन त्यांनी केले.