अ‍ॅपशहर

धनादेश फसवणूकप्रकरणी दोघांना एक वर्ष कारावास

दोन लाखांचा धनादेश देवून फसवणूक केल्याप्रकरणी जिल्हापेठ पोलिस ठाण्यात दाखल असलेल्या गुन्ह्यात न्यायालयाने दोन आरोपींना दोषी ठरवून प्रत्येकी एक वर्ष कारावास व दोन हजार रुपये दंडाची शिक्षा ठोठावली.

Maharashtra Times 25 Apr 2019, 5:00 am
म. टा. प्रतिनिधी, जळगाव
महाराष्ट्र टाइम्स.कॉम two year imprisonment for cheating fraud in jalgoan
धनादेश फसवणूकप्रकरणी दोघांना एक वर्ष कारावास


दोन लाखांचा धनादेश देवून फसवणूक केल्याप्रकरणी जिल्हापेठ पोलिस ठाण्यात दाखल असलेल्या गुन्ह्यात न्यायालयाने दोन आरोपींना दोषी ठरवून प्रत्येकी एक वर्ष कारावास व दोन हजार रुपये दंडाची शिक्षा ठोठावली. पंकज रसिकलाल सोनी व जितेंद्र सोनी या दोघांनी विलास बाविस्कर या सराफ व्यावसायिकाकडून सन २००८ मध्ये दागिने व पैशांचा व्यवहार केला होता. त्याबदल्यात सोनी बंधूंनी बाविस्कर यांना बँक खात्यात पैसे नसताना २ लाख रुपये किमतीचा धनादेश दिला होता. हा धनादेश अनादरीत झाल्याने विलास बाविस्कर यांच्या फिर्यादीवरून पंकज रसिकलाल सोनी व जितेंद्र सोनी या दोघांविरुद्ध जिल्हापेठ पोलिस ठाण्यात फसवणूकीचा गुन्हा दाखल करण्यात आला होता. मुख्य न्यायदंडाधिकारी सी. व्ही. पाटील यांच्या न्यायालयात खटल्याचे कामकाज झाले. सरकारपक्षाने एकूण नऊ साक्षीदार तपासले. सरकारपक्षातर्फे अॅड. आर. पी. गावित यांनी काम पाहिले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज