कारच्या धडकेने दोघांचा मृत्यू

चाळीसगाव : भरधाव कारने पायी चालणाऱ्या दोघांना उडविल्याने दोघांचा मृत्यू झाला. धुळे रस्त्यावर शहरालगतच्या डेरागर्डीजवळ शुक्रवारी (दि. १३) सायंकाळी साडे सहा वाजेच्या सुमारास ही घटना घडली. नितीन सुभाष देवरे (वय ४०) व प्रवीणसिंग सांडू पवार (वय ६३, रा. करगाव) अशी दोघांची नावे आहेत. नितीन देवरे व प्रवीणसिंग पवार हे दोघेही पायी धुळे रस्त्याने करगावकडे चालले होते. यावेळी पाठीमागून येणारी भरधाव फोक्सव्हॅगन कार (एमएच. १८ डब्लू ७९२०) या वाहनाने जबर धडक दिली. घटनेनंतर कारचालक कार घटनास्थळी सोडून पसार झाला. या अपघातात हे दोघेही पादचारी गंभीर जखमी झाले

होते. त्यांना उपचारासाठी धुळे येथे हलविण्यात आले मात्र त्यांचा उपचारादरम्यान मृत्यू झाला. याप्रकरणी शिवाजी बापू देवरे यांच्या फिर्यादीवरून शहर पोलिस ठाण्यात कार चालकाविरोधात गुन्हा नोंदविण्यात आला आहे.