'उटखेडा रोडचे रुंदीकरण करा'

रावेर : शहरातील उटखेडा रोडला एका बाजूने असलेल्या खोल खड्डा, काटेरी झुडुपे व महावितरणची डी.पी. यामुळे हा रस्ता अतिशय अरुंद झाला आहे. तो रुंद करावा याबाबत येथील रहिवाशांनी प्रशासनाला निवेदन दिले आहे.

रावेर ते उटखेडा-खिरोदा पाल रस्ता ४० फुट रुंदीचा आहे. याठिकाणी असलेल्या खड्ड्यांमुळे ४० फुटी रस्त्यापैकी उत्तरेकडील बाजूने २० फुट जागेतच रस्त्याचे डांबरीकरण झालेले आहे. एखाद्या वेळेस मोठा अपघात होऊन जीवित हानी होण्याचा संभव नाकारता येत नाही से या निवेदनात नमूद करण्यात आले आहे. या सर्व बाबींचा सहानुभूतीपूर्वक विचार करून जनतेस न्याय द्यावा, अशा मागणीचे निवेदन येथील रहिवाशांनी खासदार रक्षा खडसे, आमदार हरिभाऊ जावळे, जिल्हाधिकारी, जळगाव, कार्यकारी अभियंता सार्वजनिक बांधकाम उत्तर विभाग,तहसीलदार, पोलिस निरीक्षक रावेर यांना दिलेले आहे. निवेदनावर ६६ लोकांच्या स्वाक्षऱ्या आहेत.