रेल्वेतून पडून तरुण जखमी

म. टा. प्रतिनिधी, जळगाव

बहिणीला भेटण्यासाठी नाशिकला जात असलेल्या तरुण रेल्वेतून पडून गंभीर जखमी झाला आहे. ही घटना सोमवारी (दि. १४) सकाळी शिवाजीनगर घडली. यात तरुणाचा पायाला गंभीर दुखापत झाली आहे.

भुसावळ येथील शेख शफीक अब्दुल गफ्फार हा सोमवारी सकाळी गोरखपुर-पनवेल रेल्वेतून नाशिक येथे बहीण सलमा बी शेख हिला भेटण्यासाठी जात होता. अचानक तो धावत्या रेल्वेतून खाली पडला. रेल्वे कर्मचाऱ्यांनी शफीकला तातडीने जिल्हा सामान्य रुग्णालयात दाखल केले. त्याचा पाय फ्रॅक्चर झाला आहे.