जळगाव: उत्तर महाराष्ट्रात गणेश विसर्जनादरम्यान झालेल्या दोन वेगवेगळ्या घटनांमध्ये दोन तरुणांचा मृत्यू झाला. जळगावच्या एरंडोल येथे गणपती विसर्जन मिरवणुकीत नाचत असताना हृदयविकाराच्या झटक्याने एका वीस वर्षीय तरुणाचा मृत्यू झाल्याची दुर्देवी घटना घडली. तर धुळे येथे विसर्जनावेळी नदीत बुडाल्याने एका तरुणाचा मृत्यू झाल्याची घटना घडली आहे.
दिनेश विनोद बोरसे असं या २० वर्षीय तरुणाचं नाव आहे. एरंडोल येथे गणेश विसर्जन मिरवणुकीत नाचत असताना अचानक दिनेशला चक्कर आली आणि तो कोसळला. त्यामुळे त्याला लगेचच रुग्णालयात दाखल करण्यात आले. मात्र उपचार सुरू असताना आज १२ वाजता त्याचा मृत्यू झाला. हृदयविकाराचा झटका आल्यानं त्याचा मृत्यू झाल्याचं सांगण्यात आलं. दिनेश हा औरंगाबाद येथे एका खासगी कंपनीत नोकरीला होता. गणेशोत्सवानिमित्त तो एरंडोलला आला होता, असं एरंडोल पोलिसांनी सांगितलं.
तर आज धुळे येथे पांझरा नदीत गणेश विसर्जन करताना भागवत पवार हा १८ वर्षीय तरुण वाहून गेला. त्यामुळे अग्निशमन दलाने त्याचा सकाळपासून शोध घेतला असता दुपारी त्याचा मृतदेह सापडला. याप्रकरणी पोलिसांनी गुन्हा दाखल केला असून अधिक तपास सुरू आहे.
दिनेश विनोद बोरसे असं या २० वर्षीय तरुणाचं नाव आहे. एरंडोल येथे गणेश विसर्जन मिरवणुकीत नाचत असताना अचानक दिनेशला चक्कर आली आणि तो कोसळला. त्यामुळे त्याला लगेचच रुग्णालयात दाखल करण्यात आले. मात्र उपचार सुरू असताना आज १२ वाजता त्याचा मृत्यू झाला. हृदयविकाराचा झटका आल्यानं त्याचा मृत्यू झाल्याचं सांगण्यात आलं. दिनेश हा औरंगाबाद येथे एका खासगी कंपनीत नोकरीला होता. गणेशोत्सवानिमित्त तो एरंडोलला आला होता, असं एरंडोल पोलिसांनी सांगितलं.
तर आज धुळे येथे पांझरा नदीत गणेश विसर्जन करताना भागवत पवार हा १८ वर्षीय तरुण वाहून गेला. त्यामुळे अग्निशमन दलाने त्याचा सकाळपासून शोध घेतला असता दुपारी त्याचा मृतदेह सापडला. याप्रकरणी पोलिसांनी गुन्हा दाखल केला असून अधिक तपास सुरू आहे.