पाणी भरण्याच्या बहाण्याने घरात नेले, दार बंद केलं; अन् १० वर्षांच्या मुलीसोबत घडलं भयकंर

जळगावः शहरातील एका भागात पाणी भरण्याचा बहाण करुन दहा वर्षीय मुलीला घरी बोलावून तिचे कपडे काढून तिच्यासोबत अंगलटपणा करत विनयभंग केल्याची धक्कादायक घटना समोर आली आहे. याप्रकरणी तरुणाविरोधात रविवारी रात्री सव्वा आठ वाजेच्या सुमारास एमआयडीसी पोलीस ठाण्यात गुन्हा दाखल झाला आहे.

पोलिसांकडून मिळालेल्या माहितीनुसार , एमआयडीसी पोलीस स्टेशनच्या हद्दीत एका भागात अल्पवयीन मुलगी कुटुंबियांसोबत राहते. रविवारी दुपारी तीन वाजेच्या सुमारास तरुणाने अल्पवयीन मुलीला पाण्याचा बहाणा करुन त्याच्या घरी बोलावले. यानंतर घराचा दरवाजा बंद केला, वाईट उद्देशाने मुलीचे अंगावरील कपडे काढून तिचे अंगावर चादर टाकून तिच्यासोबत अंगलटपणा करत तिचा विनयभंग केला.

वाचाः रत्नागिरीतील पत्रकाराच्या मृत्यूचे गूढ उकलण्याच्या मार्गावर, पोलिसांना मिळाली मोठी माहिती

घरी परतल्यानंतर मुलीने हा प्रकार तिच्या आई वडीलांना सांगितला. त्यानंतर मुलीच्या वडीलांनी याबाबत एमआयडीसी पोलीस ठाण्यात तक्रार दिली. या तक्रारीवरुन विनयभंग करणाऱ्या रोहित युवराज भावसार या तरुणाविरोधात गुन्हा दाखल करण्यात आला आहे. पुढील तपास पोलीस उपनिरिक्षक दिपक जगदाळे हे करीत आहेत.

वाचाः दक्षिण मुंबई ते बेलापूर एका तासात गाठता येणार, वॉटर टॅक्सी सेवा सुरू, असे आहेत तिकिटाचे दर