तुझ्या गुरूला बोलावून आण... तृतीयपंथीयावर दोघांचा अत्याचार; घटनेत तृतीयपंथीयच सामील

जालना : एका ३० वर्षीय तृतीयपंथीवर बलात्कार केल्याची घटना शुक्रवारी दुपारच्या सुमारास जालना शहराजवळील मंठा बायपास रोडवरील रेल्वे उड्डाणपुलाखाली घडली. या घटनेमुळे शहरात एकच खळबळ उडाली आहे. सुंदरनगर चंदनझिरा भागातील शेख व अन्य एका तृतीयपंथीय यांच्याविरुद्ध कदीम जालना पोलीस ठाण्यात रात्री उशिरा गुन्हा दाखल करण्यात आल्यानंतर ही घटना उघडकीस आली आहे. विशेष म्हणजे या घटनेतील फिर्यादी आणि आरोपी हे ओळखीचे आहेत.

जालना शहरातील एक तृतीयपंथीय सदरील पीडितेकडे आली. तुमची शिष्य नेहा हिला काही लोकांनी मंठा बायपासवरील उड्डाणपुलाखाली पकडून ठेवले आहे. तू तुझ्या गुरूला बोलावून आण, तेव्हाच आम्ही तुझ्या शिष्याला सोडू, असे ते लोक म्हणत असल्याचे खोटे सांगून पीडितेला स्कुटीवर बसून उड्डाणपुलाखाली घेऊन गेली. त्या ठिकाणी आधीच आसेफ शेखसह आणखी एक जण (पूर्ण नाव माहीत नाही) असे दोघे बसलेले होते. तिथे पोहचताच तृतीयपंथीय व्यक्तीने पीडितेला दोन्ही आरोपींच्या अंगावर लोटले, असं सांगण्यात येत आहे.

Jalna IT Raid : जालन्यातील आयकर छाप्याप्रकरणी ताजी अपडेट, आणखी ३० लॉकर्स तपासणार

पीडीतेच्या विरोधाला न जुमानता त्या दोघांनी पीडितेवर अनैसर्गिक बलात्कार केला. ही घटना घडल्यावर दोघे वासनांध आणि त्यांना मदत करणारी तृतीयपंथीय असे तिघेही तिथून फरार झाले. पीडितेने यावर घडलेला प्रसंग कदीम जालना पोलिसांना सांगितला आणि तक्रार दाखल केली. यानंतर पोलिसांनी तपासाची चक्रे फिरवून दोन आरोपींना ताब्यात घेतले. तर एक संशयित आरोपी आसेफ मिया शेख हा फरार असून पोलिस त्याचा शोध घेत आहेत.

जालन्यात IT Raid कशी पडली, स्टील आणि भंगार व्यावसायिकांची चलाखी, GST