जालना : दारूचं व्यसन सोडण्याचं औषध दिल्यानं एका जणाचा मृत्यू झाला आहे. ४० वर्षीय गोपाल दवांडे असं या औषधाचं सेवन केल्यामुळे मृत्युमुखी पडलेल्याच नाव असून तो अकोला जिल्हयातील शिसामासा गावचा रहिवासी आहे. तर दारूचं व्यसन सोडण्यासाठी औषध देणारा महाराज हा जालन्यातील धावडा गावचा रहिवासी आहे. महाराजाने दिलेल्या औषधामुळे मृत्यू झाल्यानं मयताच्या नातेवाईकांनी त्याचा मयताचा मृतदेह औषध देणाऱ्या महाराजांच्या घराच्या दरवाज्यात आणून ठेवल्यानं महाराज फरार झाला आहे. तडवी बाबा असं फरार झालेल्या महाराजाच नाव आहे. शिसामासा येथील गोपाल दवांडे यांचं दारूचं व्यसन सोडवण्यासाठी त्यांना काल जालन्यातील धावडा येथील तडवी बाबा या महाराजांकडे आणण्यात आलं होतं.
काल या महाराजांनी दारु सोडवण्यासाठी साडेचार हजार रुपये घेऊन त्यांना दोन ग्लास औषध पाजलं. त्यानंतर गोपाल दवांडे हे बेशुध्द अवस्थेत होते मात्र आज दुपारच्या सुमारास त्यांचा मृत्यू झाल्याचं समोर आलं. या महाराजांवर गुन्हा दाखल करून त्याला तात्काळ अटक करावी अशी मागणी मयताच्या कुटुंबीयांनी केली आहे.
या घटनेची माहिती पारध पोलिसांना मिळाल्यानंतर त्यांनी घटनास्थळी धाव घेतली. दरम्यान या प्रकरणी आता पोलिसांनी आकस्मिक मृत्यूचा गुन्हा दाखल केला आहे. आज मयताचं शवविच्छेदन करण्यात आलं असून शवविच्छेदन अहवाल आल्यानंतर दोषींवर योग्य ती कारवाई केली जाईल अशी प्रतिक्रिया सहाय्यक पोलीस निरिक्षक अभिजित मोरे यांनी दिली आहे.
काल या महाराजांनी दारु सोडवण्यासाठी साडेचार हजार रुपये घेऊन त्यांना दोन ग्लास औषध पाजलं. त्यानंतर गोपाल दवांडे हे बेशुध्द अवस्थेत होते मात्र आज दुपारच्या सुमारास त्यांचा मृत्यू झाल्याचं समोर आलं. या महाराजांवर गुन्हा दाखल करून त्याला तात्काळ अटक करावी अशी मागणी मयताच्या कुटुंबीयांनी केली आहे.
या घटनेची माहिती पारध पोलिसांना मिळाल्यानंतर त्यांनी घटनास्थळी धाव घेतली. दरम्यान या प्रकरणी आता पोलिसांनी आकस्मिक मृत्यूचा गुन्हा दाखल केला आहे. आज मयताचं शवविच्छेदन करण्यात आलं असून शवविच्छेदन अहवाल आल्यानंतर दोषींवर योग्य ती कारवाई केली जाईल अशी प्रतिक्रिया सहाय्यक पोलीस निरिक्षक अभिजित मोरे यांनी दिली आहे.