राष्ट्रीयकृत बँकांच्या खासगीकरणाचा मोदी सरकारचा डाव, बँक कर्मचाऱ्यांनी उपसले संपाचे हत्यार

लातूर : राष्ट्रीयकृत बँकांचं खासगीकरण करण्यात येऊ नये, पेन्शन योजना लागू करावी, बँकांतील कामगारांचे कंत्राटीकरण बंद करा आदी मागण्यासाठी राज्यभरातील राष्ट्रीयकृत बँकांचे कर्मचारी दोन दिवसाच्या संपावर गेले आहेत. मोदी सरकार विविध सरकारी अस्थपनांचे खासगीकरण करत आहे. आता या सरकारची नजर राष्ट्रीयकृत बँकांच्या खासगीकरणावर आहे. मात्र, सरकारचा हा डाव हाणून पडल्याशिवाय राहणार नसल्याचा मानस बँक कर्मचाऱ्यांनी व्यक्त केला.

धक्कादायक! बादलीमध्ये सापडले आठ कान, मानवी डोके, हात; १५ वर्ष बंद गाळ्यात नेमकं काय घडलं?
राष्ट्रीयकृत बँकांचे खासगीकरण हे केवळ बँक कर्मचाऱ्यांसाठीच नव्हे तर ग्राहकांसाठी धोक्याचे आहे. मोठ्या कष्टाने जमा केलेली पुंजी ग्राहक या बँकांमध्ये विश्वासाने ठेवतो.

मात्र, या बँकांचे खासगीकरण झाले तर या ठेवी ठराविक लोकांच्या हाती जातील. त्यामुळे ग्राहकांनीही या लद्यात सामील होण गरजेचं आहे. विशेषतः महिलांनी. त्यांना याचा मोठा फटका बसणार असल्याचं बँक कर्मचारी सांगतात.