पोटच्या पोराने २५ वर्षीय तरुणाला संपवलं, बापाला जबर धक्का, हार्ट अटॅकनंतर अखेरचा श्वास

जालना : २५ वर्षीय तरुणाच्या छातीवर चाकूने वार करुन हत्या केल्याची घटना जालना जिल्ह्यात उघडकीस आली होती. हत्या प्रकरणी संशयित २३ वर्षीय तरुणाला पोलिसांनी ४ तासांच्या आत रेल्वे स्थानक परिसरातून ताब्यात घेतले. मात्र या घटनेची माहिती मिळताच आरोपीच्या वडिलांना जबर धक्का बसला. हृदयविकाराच्या धक्क्याने त्यांचे निधन झाल्याची हृदयद्रावक घटना समोर आली आहे.

जालना जिल्ह्यातील बदनापूर तालुक्यातील देवगाव फाट्याजवळ २५ वर्षीय शेख फय्याज शेख रईस या तरुणाचा चाकूने छातीवर वार करून खून केल्याची घटना सोमवारी उघडकीस आली होती. या प्रकरणी स्थानिक गुन्हे शाखेच्या पथकाने वेगाने तपासाची चक्रे फिरवून संशयित २३ वर्षीय तय्यब अकबर शेख (रा. शेरसवारनगर) यास २४ तासांच्या आत रेल्वे स्थानक परिसरातून ताब्यात घेतले.

जालना औरंगाबाद रोडवरील देवगाव फाट्याजवळ सोमवारी सकाळी अनोळखी तरुणाचा अज्ञात व्यक्तीने धारदार शस्त्राने छातीवर ठिकठिकाणी भोसकून खून केल्याची घटना उघडकीस आली होती. तपासात मृताचे नाव शेख फय्याज शेख रईस असल्याचे निष्पन्न झाले होते. या प्रकरणी बदनापूर पोलिस ठाण्यात खुनाचा गुन्हा दाखल झाल्यानंतर पोलिस आरोपीचा शोध घेत होते.

गुन्हे शाखेच्या पथकाने घटनास्थळाचा अभ्यास करून मृत या ठिकाणी कसा आला असेल, मृताचे कोणासोबत वाद आहेत काय, त्याचे नातेवाइक व मित्रांनी शेवटी कधी पाहिले होते, अशा विविध अंगांनी गुन्ह्याचे विश्लेषण करून तंत्रशुद्ध पद्धतीने तपास सुरू केला. तपास सुरू असताना बिगारी काम करणारा तय्यब अकबर शेख याने मित्र शेख फय्याज याचा खून केल्याची माहिती पोलीस निरीक्षक सुभाष भुजंग यांना मिळाली होती, तसेच तो पळून जाण्याच्या प्रयत्नात असून सध्या रेल्वे स्थानक परिसरात उभा असल्याचे खबऱ्यामार्फत समजले.

आईवरील अत्याचाराचा सूड, UPSC करणाऱ्याने पुण्यातील दाम्पत्याला संपवलं, एका दिवसात गूढ उकललं
रेल्वे स्थानक परिसरात सापळा लावून संशयित तय्यब शेख यास दुपारी चार वाजताच्या सुमारास ताब्यात घेतले. चौकशीत त्याने शेख फय्याज याचा खून केल्याची कबुली दिली. खुनाचे नेमके कारण अद्याप समोर आले नसले, तरी किरकोळ कारणावरून दारूच्या नशेत तय्यब शेख याने हा खून केला असावा असे बोलले जात आहे.

लिव्ह इन पार्टनरला संपवलं, बॉडी फ्रिजमध्ये टाकून विवाहबंधनात, पाच वर्षांच्या रिलेशनशीपचा अंत
आरोपी मुलाच्या वडिलांचा मृत्यू

या घटनेतील संशयीत आरोपी तय्यब अकबर शेख याने हा खून केल्याची कबुली दिल्यानंतर त्याचे वडील अकबर शेख यांना धक्का बसला. ते सोमवारी रात्री रेल्वेतून चेन्नईकडे जात होते. त्यांना ही माहिती कळाल्यांनतर त्यांना हृदयविकाराचा झटका येऊन मृत्यू झाल्याचा अंदाज वर्तविला जात आहे. त्यांच्या निधनाने शेख परिवारावर दुहेरी संकट कोसळले आहे