पती- पत्नी चालवायचे सेक्स रॅकेट; घरात दोन कॉल गर्ल अन् एक ग्राहक, पोलिस आले अन्...

जालनाः शहरातील वेगवेगळ्या ठिकाणी घरगुती सेक्स रॅकेट चालवणाऱ्या एका कुटुंबावर पोलीस उपअधीक्षक नीरज राजगुरू यांच्या पथकाने छापा मारून सेक्स रॅकेटचा पर्दाफाश केला आहे. काल सायंकाळी चार वाजेच्या सुमारास नूतन वसाहत परिसरातील रेवगाव रोडवर ही कारवाई करण्यात आली. (jalna News)

जालना शहरातील कांचन नगर, शिवनगर तसेच नूतन वसाहत भागात घरगुती वेश्या व्यवसाय करणाऱ्या संतोष उढाणला अखेर पोलीस उपअधीक्षक नीरज राजगुरू यांच्या पथकाने आज बेड्या ठोकल्या आहेत. रेवगाव रोडवरील एका घरात छापा मारून एक ग्राहक, दोन कॉल गर्ल, सेक्स रॅकेट चालवणारी व्यक्ती व त्याची पत्नी आदींना पोलिसांनी ताब्यात घेतले आहे. धक्कादायक बाब म्हणजे १५०० रुपयांत देहव्यापार व्हायचा अशी माहिती मिळाली आहे.

वाचाः सगळे लग्नाला गेले, आजोबा घरात एकटेच होते; संधीचा फायदा घेत दरोडेखोर घुसले अन्...

घरगुती सेक्स रॅकेटमुळे त्रासलेल्या शहरातील एका कॉलनीतील नागरिकांनी गेल्या काही दिवसांपूर्वीच आवाज उठवला होता. गेल्या अनेक दिवसांपासून संतोष उढाण हा जालना शहरात सेक्स रॅकेट चालवत असल्याची तक्रार नागरिकांनी पोलीस अधीक्षक डॉ. अक्षय शिंदे यांच्याकडे केली होती. त्यानंतर त्याने आपले स्थान बदलले होते. परंतु त्याच्या या सेक्स रॅकेटची कुणकुण लागताच पोलीस उप अधीक्षक नीरज राजगुरू यांच्या पथकाने कारवाई करून हा सेक्स रॅकेटचा गोरख धंदा उघड केला आहे. सध्या पोलिसांनी मुंबई येथून आलेल्या दोन कॉलगर्ल, संतोष उढाण, एक ग्राहक, त्याची पत्नी आणि एका वृद्ध महिलेस ताब्यात घेतले आहे.

वाचाः आईचा मृत्यू होताच मुलानेही सोडले प्राण; माय-लेकावर एकाच वेळी अंत्यसंस्कार करण्याची वेळ