शेतकऱ्याच्या पिवळ्या सोन्याने घेतली झळाळी, हळदीला उच्चांकी भाव

हिंगोली : हिंगोली बाजार समितीनंतर वसमत कृषी उत्पन्न बाजार समिती हळदीच्या बाजारपेठेसाठी राज्यात ओळखली जाते. वसमत येथील कृषी उत्पन्न बाजार समिती यार्डात आज झालेल्या हळदीच्या सौद्यात उच्चांकी ११ हजार ८६९ रुपयांचा दर मिळाला आहे.

७ हजार ८०० रूपया पासुन हळदीला खरेदी सुरू होती.तर काल हिंगोलीच्या मार्केट यार्डात ९००० तेसव्वा नऊ हजार रुपये प्रति क्विंटल हळदीला भाव मिळाला. सांगलीनंतर हिंगोली व त्यापाठोपाठ वसमत बाजारपेठेत हळदीला सध्या उच्चांकी दर मिळत आहे. मात्र, या वर्षी हळदीवर विविध रोगांचा प्रादुर्भाव व पाण्याची कमतरता भासत असल्यामुळे उत्पादनात घट होण्याची शक्यता शेतकरी वर्गातून व्यक्त केली जात आहे.

हिंगोली बाजार समितीनंतर वसमत कृषी उत्पन्न बाजार समिती हळदीच्या बाजारपेठेसाठी राज्यात ओळखली जाते. मराठवाड्यासह विदर्भातून यवतमाळ, बुलढाणा, वाशिम या जिल्ह्यातून हिंगोलीच्या बाजार समितीत मोठ्या प्रमाणात हळद विक्रीला येते. यावर्षी झालेल्या अवकाळी पावसामुळे हळदीला शेंगा लागण्याच्या अवस्थेमध्ये वातावरणामध्ये होणारा सतत बदल, बुरशीजन्य रोगांचा प्रादुर्भाव पुणे हळदीवर विविध रोगांचा प्रादुर्भाव जडला आहे.

दरम्यान, यामुळे यंदाच्या हळदीच्या उत्पादनात घट येण्याची शक्यता वर्तवली जात आहे. यंदा हळदीला चांगल्याप्रकारे दर मिळतील, असेही बोलले जात आहे.