जालना : सोशल मीडियावर अनेक व्हिडिओ व्हायरल होत असतात. यात काही व्हिडिओ मनोरंजक असले तरी काही व्हिडिओ हे थरारक आणि भीतीदायक असतात. असाच एक व्हिडिओ हा जालन्यातून समोर आला आहे. राज्यभर मुसळधार पाऊस झाल्यामुळे नदी-नाले ओसंडून वाहत आहेत. अनेक ठिकाणी पूरपरिस्थिती आहे. अशात एका तरुणाचा जीवघेणा स्टंट समोर आला. यामध्ये तरुण बाईकवर बसून व्हिडिओ नदी ओलांडत होता पण पाण्याचा प्रवाह इतका होता की तरुणासोबत नेमकं काय घडलं तुम्हीच पाहा. कसुरी नदीच्या पुलावरून वाहत्या पाण्यात स्टंट करणं युवकाला महाग पडलं आहे. कसाबसा जीव तर वाचला पण मोटारसायकल पाण्यात वाहून गेली आहे.
जालना जिल्ह्यातील परतूर तालुक्यातील श्रीष्टी येथील कसुरी नदीवरील पुलावरून काल पासून पाणी वाहात आहे. येथील एका धाडसी युवकांनी या पुलावरून गाडी चालवण्याचा स्टंट चांगलाच अंगाशी आला. एन पुलाच्या मध्यभागी पोहचल्यानंतर पाण्याच्या प्रवाहाने गाडी सहीत युवक वाहून गेला. त्याला पोहता येत असल्याने कसाबसा जीव वाचवून तो तर काठावर आला पण त्याची मोटारसायकल मात्र वाहून गेली.
ही स्टंटबाजीची घटना घडल्यानंतर याच पुलावरून रात्री बस घसरून पाण्यात पडली. परंतु गावातील लोकांच्या सतर्कतेने प्रवाशांचे प्राण वाचले हे विशेष. त्यामुळे नारिकांनी असा जीवघेणा प्रवास करणं टाळलं पाहिजे तर शासनाने तातडीने पर्यायी मार्ग तयार करावा अशी मागणी करण्यात येत आहे.
जालना जिल्ह्यातील परतूर तालुक्यातील श्रीष्टी येथील कसुरी नदीवरील पुलावरून काल पासून पाणी वाहात आहे. येथील एका धाडसी युवकांनी या पुलावरून गाडी चालवण्याचा स्टंट चांगलाच अंगाशी आला. एन पुलाच्या मध्यभागी पोहचल्यानंतर पाण्याच्या प्रवाहाने गाडी सहीत युवक वाहून गेला. त्याला पोहता येत असल्याने कसाबसा जीव वाचवून तो तर काठावर आला पण त्याची मोटारसायकल मात्र वाहून गेली.
ही स्टंटबाजीची घटना घडल्यानंतर याच पुलावरून रात्री बस घसरून पाण्यात पडली. परंतु गावातील लोकांच्या सतर्कतेने प्रवाशांचे प्राण वाचले हे विशेष. त्यामुळे नारिकांनी असा जीवघेणा प्रवास करणं टाळलं पाहिजे तर शासनाने तातडीने पर्यायी मार्ग तयार करावा अशी मागणी करण्यात येत आहे.