सांगली : पुणे जिल्ह्यातील पाच जणांनी जत तालुक्यातील निगडी खुर्द येथील नामदेव शिवाजी ताटे (रा. शेगाव ता. जत) याचा निर्घृण खून केल्याचं तपासात निष्पन्न झालं आहे. शेतात रुतलेला टेम्पो काढण्यावरून झालेल्या वादाचा राग मनात धरून ही हत्या केल्याचं स्पष्ट झालं आहे. स्थानिक गुन्हे अन्वेषण विभागाच्या पथकाने या खुनाचा तपास करून चौघांना अटक केली, तर एका संशयिताचा अजून शोध सुरू आहे.
सांगली पोलिसांच्या स्थानिक गुन्हे अन्वेषण शाखेचे सहायक पोलिस निरीक्षक रविराज फडणीस यांनी दिलेल्या माहितीनुसार, २६ एप्रिल २०२१ रोजी दुपारी चारच्या सुमारास जत तालुक्यातील निगडी खुर्द ते बनाळी रोडलगत नामदेव ताटे यांचा शेतातील घरात एक मृतदेह आढळला होता. धारदार हत्याराने मृताच्या छातीवर, पाठीवर, पोटावर, मनगटावर, पंज्यावर, बोटावर, दंडावर, गुडघ्यावर सपासप वार केले होते.
या घटनेची जत पोलिसात नोंद झाली होती. ताटे हा एकटाच राहत असल्याने या गुन्ह्याचा तपास करणे कठीण झाले होते. स्थानिक गुन्हे अन्वेषण विभागाचे पथक निगडी येथे पेट्रोलिंग करीत असताना माहिती मिळाली की, निगडी खुर्द येथील तानाजी जाधव यांच्याकडे विजय कराळे हा आयशर टेम्पो घेऊन कामानिमित्त आला होता. त्यावेळी तानाजी जाधव यांच्या शेतात विजय कराळे याचा टेम्पो अडकला होता. त्यावेळी तानाजी जाधव, विजय कराळे यांनी नामदेव ताटे यांच्या मालकीच्या शेतातून माती काढून टेम्पोखाली टाकली.
माती काढण्यावरून नामदेव ताटे व तानाजी जाधव या दोघांमध्ये जोरदार वाद झाला होता. या अनुषंगाने सपोनि रविराज फडणीस यांनी तपास केला असता, संशयित म्हणून तानाजी जाधव यांना ताब्यात घेतले. अधिक चौकशी केल्यानंतर जाधव याने गुन्ह्याची कबुली दिली.
जाधव याच्या सांगण्यानुसार, काही दिवसांपूर्वी विजय कराळे हा याचा आयशर टेम्पो घेऊन माझ्याकडे आला होता. त्यावेळी माझा नामदेव ताटे याच्यासोबत झाला होता. याचा राग मनात धरुन मी चार साथीदारांसह नामदेव ताटे याचा खून केला. सपोनि रविराज फडणीस यांनी उरवडी (ता. मुळशी) येथे जाऊन गुन्ह्यातील तिघांना ताब्यात घेतले. चौकशीदरम्यान या तिघांनीही गुन्ह्यात सहभागी असल्याची कबुली दिली. खुनाच्या घटनेनंतर तीन महिन्यांनी याची उकल करण्यात पोलिसांना यश आलं आहे.
सांगली पोलिसांच्या स्थानिक गुन्हे अन्वेषण शाखेचे सहायक पोलिस निरीक्षक रविराज फडणीस यांनी दिलेल्या माहितीनुसार, २६ एप्रिल २०२१ रोजी दुपारी चारच्या सुमारास जत तालुक्यातील निगडी खुर्द ते बनाळी रोडलगत नामदेव ताटे यांचा शेतातील घरात एक मृतदेह आढळला होता. धारदार हत्याराने मृताच्या छातीवर, पाठीवर, पोटावर, मनगटावर, पंज्यावर, बोटावर, दंडावर, गुडघ्यावर सपासप वार केले होते.
या घटनेची जत पोलिसात नोंद झाली होती. ताटे हा एकटाच राहत असल्याने या गुन्ह्याचा तपास करणे कठीण झाले होते. स्थानिक गुन्हे अन्वेषण विभागाचे पथक निगडी येथे पेट्रोलिंग करीत असताना माहिती मिळाली की, निगडी खुर्द येथील तानाजी जाधव यांच्याकडे विजय कराळे हा आयशर टेम्पो घेऊन कामानिमित्त आला होता. त्यावेळी तानाजी जाधव यांच्या शेतात विजय कराळे याचा टेम्पो अडकला होता. त्यावेळी तानाजी जाधव, विजय कराळे यांनी नामदेव ताटे यांच्या मालकीच्या शेतातून माती काढून टेम्पोखाली टाकली.
माती काढण्यावरून नामदेव ताटे व तानाजी जाधव या दोघांमध्ये जोरदार वाद झाला होता. या अनुषंगाने सपोनि रविराज फडणीस यांनी तपास केला असता, संशयित म्हणून तानाजी जाधव यांना ताब्यात घेतले. अधिक चौकशी केल्यानंतर जाधव याने गुन्ह्याची कबुली दिली.
जाधव याच्या सांगण्यानुसार, काही दिवसांपूर्वी विजय कराळे हा याचा आयशर टेम्पो घेऊन माझ्याकडे आला होता. त्यावेळी माझा नामदेव ताटे याच्यासोबत झाला होता. याचा राग मनात धरुन मी चार साथीदारांसह नामदेव ताटे याचा खून केला. सपोनि रविराज फडणीस यांनी उरवडी (ता. मुळशी) येथे जाऊन गुन्ह्यातील तिघांना ताब्यात घेतले. चौकशीदरम्यान या तिघांनीही गुन्ह्यात सहभागी असल्याची कबुली दिली. खुनाच्या घटनेनंतर तीन महिन्यांनी याची उकल करण्यात पोलिसांना यश आलं आहे.