कोल्हापूर टाइम्स टीम
वाचनाच्या वेडाने झपाटलेल्या तरुणांनी वाचन संस्कृती रुजवण्यासाठी गेल्या दोन वर्षात तब्बल ५४ हजार पुस्तके जमवली. या पुस्तकांचा वाचकांना लाभ व्हावा, यासाठी शहरासह जिल्ह्यातील दुर्गम भागात १८ वाचनालये सुरू करण्याचा निर्धार तरुणांनी केला आहे. विधायक उपक्रमांनी सुरू झालेली पुस्तक चळवळ दिवसेंदिवस व्यापक रुप धारण करीत आहे.
ऑल इंडिया स्टुडंट्स फेडरेशनमधील पुस्तकवेड्या तरुणांच्या मनात दोन वर्षांपूर्वी वाचनालय सुरू करण्याची कल्पना आली. २३ जून २०१७ मध्ये त्यांनी वाचनालय सुरू करण्याचा निर्णय घेतला. कॉम्रेड गोविंद पानसरे यांच्या पत्नी उमा पानसरे यांच्याकडे वाचनालयाची कल्पना बोलून दाखवताच त्यांनी स्वत:कडील काही पुस्तके देऊन पाठबळ दिले. अनेकांकडे बरीच पुस्तके पडून असतात. वाचकांअभावी धूळ खात पडलेल्या पुस्तकांना वाचकांपर्यंत पोहोचवण्यासाठी तरुणांनी सोशल मीडियाचा आधार घेतला. पुस्तके जमवण्याच्या उपक्रमाला विधायकतेची जोड दिली. 'एक घर-एक पुस्तक', 'रद्दीतून वाचनालय२, 'सेल्फी विथ बुक', 'समारंभातून सामाजिक बांधिलकी', 'टाकाऊतून टिकाऊ', 'एक घर-एक लग्न-एक पुस्तक' अशा विधायक उपक्रमांमुळे पुस्तकांचा ओघ वाढला.
गेल्या दोन वर्षात तब्बल ५४ हजार ३६८ पुस्तके जमा झाली आहेत. एवढी पुस्तके ठेवायची कुठे? असा प्रश्न या तरुणांना पडला. यानंतर त्यांनी रद्दीची विक्री करून जमवलेल्या १८ ते २० हजार रुपयांमधून सहा जुनी कपाटे खरेदी केली. मुक्त सैनिक वसाहत येथे सुरू केलेल्या पहिल्या वाचनालयाचे उद्घाटन त्यांनी भाकपचा तरुण नेता कन्हय्याकुमार यांच्या हस्ते केले. या वाचनालयात दहा हजारांहून अधिक पुस्तके आहेत. परिसरातील नागरिकांसह शालेय विद्यार्थ्यांनाही याचा लाभ होत आहे. विद्यार्थ्यांच्या मागणीनुसार स्पर्धा परीक्षांची पुस्तकेही उपलब्ध केली जात आहेत. येणाऱ्या दोन महिन्यात बिंदू चौक आणि राजेंद्रनगर येथील वाचनालये सुरू केली जाणार आहेत.
यानंतर शाहूवाडी तालुक्यातील उखळू, पन्हाळा तालुक्यातील बांबरवाडी, शहरातील क्रांतिसिंह नाना पाटील नगर येथील वाचनालये सुरू होणार आहेत. वाचनालयांसाठी जागा आणि इमारतींचीही गरज आहे. यासाठी इच्छुकांनी बांधकाम साहित्य द्यावे असेही आवाहन तरुणांनी केले आहे. प्रशांत आंबी, आरती रेडेकर, कृष्णा पानसे, नितीन ढाले, दिलदार मुजावर, मुकुंद कदम, धीरज कठारे, अमोल देवडेकर, शक्ती कांबळे आदी तरुण या कामात सक्रीय आहेत.
कुरिअरनेही येतात पुस्तके
सोशल मीडियामुळे वाचनालयांचा उपक्रम देश-विदेशात पोहोचला आहे. कोल्हापूरसह आसपासच्या जिल्ह्यातील लोकांनी उत्स्फुर्तपणे आपल्याकडील जुनी-नवी पुस्तके वाचनालयासाठी स्वत: आणून दिली. दूरच्या लोकांनी कुरिअरद्वारे पुस्तके पाठवली आहेत. रशियातील एका व्यक्तीनेही कोल्हापुरातील तरुणांना पुस्तके देऊन वाचन चळवळीचा उत्साह वाढवला.
विधायक उपक्रमांमधून केवळ पुस्तके जमा केली जात नाहीत, तर त्यांचा योग्य विनियोग व्हावा याचीही दक्षता घेतली जाते. वर्षभरात जिल्ह्यात १८ ठिकाणी वाचनालये सुरू करण्याचा आमचा निर्धार आहे.
- प्रशांत आंबी, पुस्तक संग्राहक
वाचनाच्या वेडाने झपाटलेल्या तरुणांनी वाचन संस्कृती रुजवण्यासाठी गेल्या दोन वर्षात तब्बल ५४ हजार पुस्तके जमवली. या पुस्तकांचा वाचकांना लाभ व्हावा, यासाठी शहरासह जिल्ह्यातील दुर्गम भागात १८ वाचनालये सुरू करण्याचा निर्धार तरुणांनी केला आहे. विधायक उपक्रमांनी सुरू झालेली पुस्तक चळवळ दिवसेंदिवस व्यापक रुप धारण करीत आहे.
ऑल इंडिया स्टुडंट्स फेडरेशनमधील पुस्तकवेड्या तरुणांच्या मनात दोन वर्षांपूर्वी वाचनालय सुरू करण्याची कल्पना आली. २३ जून २०१७ मध्ये त्यांनी वाचनालय सुरू करण्याचा निर्णय घेतला. कॉम्रेड गोविंद पानसरे यांच्या पत्नी उमा पानसरे यांच्याकडे वाचनालयाची कल्पना बोलून दाखवताच त्यांनी स्वत:कडील काही पुस्तके देऊन पाठबळ दिले. अनेकांकडे बरीच पुस्तके पडून असतात. वाचकांअभावी धूळ खात पडलेल्या पुस्तकांना वाचकांपर्यंत पोहोचवण्यासाठी तरुणांनी सोशल मीडियाचा आधार घेतला. पुस्तके जमवण्याच्या उपक्रमाला विधायकतेची जोड दिली. 'एक घर-एक पुस्तक', 'रद्दीतून वाचनालय२, 'सेल्फी विथ बुक', 'समारंभातून सामाजिक बांधिलकी', 'टाकाऊतून टिकाऊ', 'एक घर-एक लग्न-एक पुस्तक' अशा विधायक उपक्रमांमुळे पुस्तकांचा ओघ वाढला.
गेल्या दोन वर्षात तब्बल ५४ हजार ३६८ पुस्तके जमा झाली आहेत. एवढी पुस्तके ठेवायची कुठे? असा प्रश्न या तरुणांना पडला. यानंतर त्यांनी रद्दीची विक्री करून जमवलेल्या १८ ते २० हजार रुपयांमधून सहा जुनी कपाटे खरेदी केली. मुक्त सैनिक वसाहत येथे सुरू केलेल्या पहिल्या वाचनालयाचे उद्घाटन त्यांनी भाकपचा तरुण नेता कन्हय्याकुमार यांच्या हस्ते केले. या वाचनालयात दहा हजारांहून अधिक पुस्तके आहेत. परिसरातील नागरिकांसह शालेय विद्यार्थ्यांनाही याचा लाभ होत आहे. विद्यार्थ्यांच्या मागणीनुसार स्पर्धा परीक्षांची पुस्तकेही उपलब्ध केली जात आहेत. येणाऱ्या दोन महिन्यात बिंदू चौक आणि राजेंद्रनगर येथील वाचनालये सुरू केली जाणार आहेत.
यानंतर शाहूवाडी तालुक्यातील उखळू, पन्हाळा तालुक्यातील बांबरवाडी, शहरातील क्रांतिसिंह नाना पाटील नगर येथील वाचनालये सुरू होणार आहेत. वाचनालयांसाठी जागा आणि इमारतींचीही गरज आहे. यासाठी इच्छुकांनी बांधकाम साहित्य द्यावे असेही आवाहन तरुणांनी केले आहे. प्रशांत आंबी, आरती रेडेकर, कृष्णा पानसे, नितीन ढाले, दिलदार मुजावर, मुकुंद कदम, धीरज कठारे, अमोल देवडेकर, शक्ती कांबळे आदी तरुण या कामात सक्रीय आहेत.
कुरिअरनेही येतात पुस्तके
सोशल मीडियामुळे वाचनालयांचा उपक्रम देश-विदेशात पोहोचला आहे. कोल्हापूरसह आसपासच्या जिल्ह्यातील लोकांनी उत्स्फुर्तपणे आपल्याकडील जुनी-नवी पुस्तके वाचनालयासाठी स्वत: आणून दिली. दूरच्या लोकांनी कुरिअरद्वारे पुस्तके पाठवली आहेत. रशियातील एका व्यक्तीनेही कोल्हापुरातील तरुणांना पुस्तके देऊन वाचन चळवळीचा उत्साह वाढवला.
विधायक उपक्रमांमधून केवळ पुस्तके जमा केली जात नाहीत, तर त्यांचा योग्य विनियोग व्हावा याचीही दक्षता घेतली जाते. वर्षभरात जिल्ह्यात १८ ठिकाणी वाचनालये सुरू करण्याचा आमचा निर्धार आहे.
- प्रशांत आंबी, पुस्तक संग्राहक