कोल्हापूर : केएमटी बसमधून उतरताना महिलेची पर्स अज्ञात चोरट्याने लंपास केली. पर्समध्ये सोन्याचा दीड तोळे वजनाचा राणीहार, सव्वा तोळे वजनाचा लक्ष्मीहार, अर्धा तोळे वजनाची अंगठी असा सुमारे ७० हजार रुपयांचा ऐवज होता. याबाबत शालन सतीश कांबळे (वय ५०, रा. टाकवडे वेस, इचलकरंजी) यांनी करवीर पोलिस टाण्यात फिर्याद दाखल केली. शालन कांबळे या सोमवारी कळंब्यातील नातेवाईकांच्या घरी निघाल्या होत्या. प्रवासादरम्यान दागिने सुरक्षित राहावेत यासाठी त्यांनी राणीहार, लक्ष्मीहार आणि अंगठी रुमालात बांधून पर्समध्ये ठेवले. सोबतच्या पिशवीत त्यांनी पर्स ठेवली होती. कळंब्यात शेवटच्या बसस्टॉपवर केमएटी बसमधून उतरताना चोरट्याने त्यांच्या पिशवीतील पर्स लंपास केली. मंगळवारी रात्री दहाच्या सुमारास करवीर पोलिस ठाण्यात फिर्याद दाखल केली.
७० हजारांचे दागिने लंपास
केएमटी बसमधून उतरताना महिलेची पर्स अज्ञात चोरट्याने लंपास केली...
Maharashtra Times 26 Apr 2018, 5:00 am