म. टा. वृत्तसेवा, गारगोटी
मराठा समाजाला १६ टक्के आरक्षण जाहीर झाल्यानंतर भुदरगड तालुक्यात मराठा तरुण दाखल्यासाठी तहसील कार्यालयात तसेच विविध ग्रामपंचायतींमध्ये गर्दी करताना दिसत आहेत. नागरिकांची गैरसोय होऊ नये यासाठी गारगोटी ग्रामपंचायतीने एक खिडकी योजना सुरू केली आहे. रहिवाशी, हयातीचा, जातीचा दाखला, घर उतारा आदी दाखले देण्यासाठी एक खिडकी योजना सुरू केली आहे. याचा लाभ घ्यावा, असे आवाहन गारगोटीचे सरपंच संदेश भोपळे यांनी केले.