कोल्हापूर : महापालिकेच्या परिवहन विभागाला (केएमटी) कर्मचाऱ्यांच्या भविष्य निर्वाह निधीची रक्कम वेळेत जमा न केल्याबद्दल २ कोटी ३० लाखांचा दंड ठोठावला आहे. इपीएफ कलम १४ ‘ब’ नुसार भविष्य निर्वाह निधी कार्यालयाने (पीएफ) एक कोटी ५४ लाख, ६२ हजार, ०८१ रुपये दंड व ७६ लाख, २२ हजार, १९४ रुपये व्याज असा हा दंड सुनावला आहे. तसेच परिवहन विभागाची शहरातील सात बँकांतील खातीही सील केली आहेत. पीएफ कार्यालयाच्या या दणक्यामुळे कर्मचाऱ्यांची पीएफ रक्कम खात्यावर जमा होण्याची शक्यता आहे.
महापालिकेच्या परिवहन विभागाकडून (केएमटी) शहरवासीयांना प्रवासी सुविधा दिली जाते. यासाठी केएमटीकडे सुमारे एक हजार कर्मचारी कार्यरत आहेत. या कर्मचाऱ्यांची मार्च २०१२ ते जुलै २०१५ पर्यंतचा एक कोटी १५ लाख, २९ हजार ४३ रुपये पीएफ कार्यालयाकडे जमा केलेला नव्हता. या कर्मचाऱ्यांची पीएफची रक्कम जून २०१६ पर्यंत जमा करण्याची सूचना भविष्य निर्वाह निधी कार्यालयाने दिली होती. त्यानंतरही प्रशासनानेही पीएफची रक्कम भरण्यास टाळाटाळ केली. त्यामुळे पुन्हा ऑक्टोबर २०१६ मध्ये ही रक्कम त्वरीत भरण्याबाबतची नोटीस बजावण्यात आली.
प्रशासनाने या बाबी गांभीर्याने घेतल्या नाहीत. त्यामुळे पीएफ कार्यालयाने १३ जूनला केएमटीची आडीबीआय व बँक ऑफ इंडिया (लक्ष्मीपुरी) शाखेची बँक खाती सील केली. त्यानंतरही पीएफची रक्कम जमा न केल्याने चार जुलैला रत्नाकर बँक (लक्ष्मीपुरी), अॅक्सिस बँक (राजारामपुरी), कॅनरा बँक (लक्ष्मीपुरी) येथील खातीही सील केली. त्यानंतर ११ जुलै रोजी पुन्हा कोटक महिंद्रा बँक (लक्ष्मीपुरी) व रत्नाकर बँक (राजारामपुरी) येथील केएमटी विभागाची बँक खाती सील करुन संपूर्ण आर्थिक कोंडी केली आहे.
केएमटी प्रशासनाची सर्वच बँक खाती सील केल्याने दैनंदिन गरजा भागवणे कठीण झाले आहे. पीएफ रक्कम जमा केल्याशिवाय ही खाती सुरू होणार नाहीत. त्यामुळे प्रशासनाची धावधाव सुरू झाली आहे. गेल्या काही वर्षांपासून केएमटी आर्थिक अरिष्ठात सापडली असल्याने कर्मचाऱ्यांचे पगारही वेळेत होत नाहीत. त्यातच पीएफ कार्यालयाने कारवाईचा बडगा उगारल्याने महापालिका प्रशासनाची चांगलीच अडचण झाली आहे.
निवृत्त कर्मचाऱ्यांना दिलासा
केएमटीमधून निवृत्त झालेल्या कर्मचाऱ्यांना गेल्या अनेक वर्षांपासून पीएफ रक्कम मिळालेली नाही. अनेक कर्मचारी वारंवार पीएफ कार्यालयाशी संपर्क साधत आहेत. तसेच गुरुवारी (ता. १३) कर्मचाऱ्यांच्या प्रश्नावर श्रमिक संघाने मोर्चाकाडून पीएफ कार्यालयासमोर निदर्शने केली होती. मोर्चानंतर पीएफ कार्यालयाने केवळ पत्रव्यवहार न करता केएमटीला दंड व व्याजाची रक्कम जमा करण्यासाठी थेट कारवाई करुन निवृत्त कर्मचाऱ्यांना दिलासा दिला आहे.
=====
केएमटीकडे कार्यरत असलेल्या कर्मचाऱ्यांची पीएफची रक्कम भरण्यासाठी वारंवार पत्रव्यवहार केला आहे. पण ही रक्कम वेळेत भरलेली नसल्याने त्यांची बँक खाती सील करण्याची कारवाई केली.
सौरभ प्रसाद, विभागीय आयुक्त, भविष्य निर्वाह निधी कार्यालय
महापालिकेच्या परिवहन विभागाकडून (केएमटी) शहरवासीयांना प्रवासी सुविधा दिली जाते. यासाठी केएमटीकडे सुमारे एक हजार कर्मचारी कार्यरत आहेत. या कर्मचाऱ्यांची मार्च २०१२ ते जुलै २०१५ पर्यंतचा एक कोटी १५ लाख, २९ हजार ४३ रुपये पीएफ कार्यालयाकडे जमा केलेला नव्हता. या कर्मचाऱ्यांची पीएफची रक्कम जून २०१६ पर्यंत जमा करण्याची सूचना भविष्य निर्वाह निधी कार्यालयाने दिली होती. त्यानंतरही प्रशासनानेही पीएफची रक्कम भरण्यास टाळाटाळ केली. त्यामुळे पुन्हा ऑक्टोबर २०१६ मध्ये ही रक्कम त्वरीत भरण्याबाबतची नोटीस बजावण्यात आली.
प्रशासनाने या बाबी गांभीर्याने घेतल्या नाहीत. त्यामुळे पीएफ कार्यालयाने १३ जूनला केएमटीची आडीबीआय व बँक ऑफ इंडिया (लक्ष्मीपुरी) शाखेची बँक खाती सील केली. त्यानंतरही पीएफची रक्कम जमा न केल्याने चार जुलैला रत्नाकर बँक (लक्ष्मीपुरी), अॅक्सिस बँक (राजारामपुरी), कॅनरा बँक (लक्ष्मीपुरी) येथील खातीही सील केली. त्यानंतर ११ जुलै रोजी पुन्हा कोटक महिंद्रा बँक (लक्ष्मीपुरी) व रत्नाकर बँक (राजारामपुरी) येथील केएमटी विभागाची बँक खाती सील करुन संपूर्ण आर्थिक कोंडी केली आहे.
केएमटी प्रशासनाची सर्वच बँक खाती सील केल्याने दैनंदिन गरजा भागवणे कठीण झाले आहे. पीएफ रक्कम जमा केल्याशिवाय ही खाती सुरू होणार नाहीत. त्यामुळे प्रशासनाची धावधाव सुरू झाली आहे. गेल्या काही वर्षांपासून केएमटी आर्थिक अरिष्ठात सापडली असल्याने कर्मचाऱ्यांचे पगारही वेळेत होत नाहीत. त्यातच पीएफ कार्यालयाने कारवाईचा बडगा उगारल्याने महापालिका प्रशासनाची चांगलीच अडचण झाली आहे.
निवृत्त कर्मचाऱ्यांना दिलासा
केएमटीमधून निवृत्त झालेल्या कर्मचाऱ्यांना गेल्या अनेक वर्षांपासून पीएफ रक्कम मिळालेली नाही. अनेक कर्मचारी वारंवार पीएफ कार्यालयाशी संपर्क साधत आहेत. तसेच गुरुवारी (ता. १३) कर्मचाऱ्यांच्या प्रश्नावर श्रमिक संघाने मोर्चाकाडून पीएफ कार्यालयासमोर निदर्शने केली होती. मोर्चानंतर पीएफ कार्यालयाने केवळ पत्रव्यवहार न करता केएमटीला दंड व व्याजाची रक्कम जमा करण्यासाठी थेट कारवाई करुन निवृत्त कर्मचाऱ्यांना दिलासा दिला आहे.
=====
केएमटीकडे कार्यरत असलेल्या कर्मचाऱ्यांची पीएफची रक्कम भरण्यासाठी वारंवार पत्रव्यवहार केला आहे. पण ही रक्कम वेळेत भरलेली नसल्याने त्यांची बँक खाती सील करण्याची कारवाई केली.
सौरभ प्रसाद, विभागीय आयुक्त, भविष्य निर्वाह निधी कार्यालय