म. टा. वृत्तसेवा, चंदगड
हलकर्णी (ता. चंदगड) येथील दौलत साखर कारखाना लिक्विडेशनमध्ये न काढता त्यावर प्रशासक नियुक्ती करावी. यूजीसीचे विविध फंड बेकायदेशीरपणे संचालक मंडळ वापरत आहे. सुशिक्षित बेरोजगारांना कर्जे देण्यास टाळाटाळ करून बॅँका बड्या उद्योगपतींना अर्थिक व्यव्हार करून कर्ज देत आहेत. अशा राष्ट्रीयीकृत बँकांवर कारवाई करावी, अशा मागणीचे निवेदन ब्लॅक पँथर पक्षाच्या वतीने चंदगडच्या तहसीलदारांना देण्यात आले. शिष्टमंडळात सुभाष चौगुले, किरमटेवाडीच्या सरंपच संस्कृती किरमटे, उज्ज्वला कांबळे, उपसरपंच यळवटकर, अनिता गोवेकर प्रा. दीपक कांबळे, अश्विनी यळवटकर, महादेव गुरव, आदी उपस्थित होते.