नागोरीला पोलिस कोठडी

इचलकरंजी

बांधकाम व्यावसायिकाच्या खुनाची सुपारी घेणारा मुख्य सूत्रधार मनीष नागोरी याला न्यायासमोर हजर केले असता त्याची सात नोव्हेंबरर्यंत पोलिस कोठडी सुनावण्यात आली.

शहापूर पोलिस ठाण्याच्या गस्ती पथकाला दोन महिन्यांपूर्वी या प्रकरणातील संशयित स्वप्नील फातले मिळून आला होता. त्याच्याकडे पिस्तुल, जिवंत काडतुसे सापडल्यानंतर अधिक चौकशी केली असता नागोरी याच्या सांगण्यावरून मुंबईतील बिजलानी नामक बिल्डरचा गेम करण्याची सुपारी घेतल्याची कबुली दिली होती. याप्रकरणी फातले आणि नागोरी या दोघांवर शहापुर पोलीस ठाण्यात गुन्हा दाखल होता. नागोरी हा शहापूर पोलिसांत हजर झाला होता. त्याला अटक करून गुरुवारी न्यायालयात हजर करण्यात आले. नागोरीकडून आणखी गुन्हे उघडकीस येण्याची शक्यता आहे.